Imihlangano Yenkonzo KaDecember
Ngesonto lomhlangano sizani nibheke esithi “PHAWULA” ngaphansi kweMihlangano Yenkonzo kuNkonzo Yethu YoMbuso kaSeptember 1991.
Isonto Eliqala NgoDecember 2
INgoma 108
15 imiz: Izaziso zebandla neZaziso ezikhethiwe ezikuNkonzo Yethu YoMbuso. “Isikole SeNkonzo SoMbuso Sinikeza Imfundo EngokwaseZulwini.” Hlanganisa nokukhulumela ngomagazini bakaDecember abakhuluma ngokugujwa kwamaholide. Khulumela amaphuzu athile angase aqokonyiswe enkonzweni yasensimini. Khuthaza abazalwane ukuba basekele umsebenzi kamagazini ngoMgqibelo. Sizani nibukeze esithi “Esikukhunjuzwa Ngomhlangano Wesigodi” esisesenezelweni seNkonzo YoMbuso kaJuly 1991 esasinesihloko esithi “Hlela Kusemanje Ukuba Khona EMhlanganweni Wesigodi ‘Wabathandi Benkululeko’ Ka-1991.”
18 imiz: “Ingabe Uyakwazisa Ukubaluleka Kwayo?” Imibuzo nezimpendulo. Yenza imiboniso yendlela yokuhambisa incwadi Yezindaba ZeBhayibheli. Umboniso wokuqala mawenziwe ummemezeli ongumuntu omdala, owesibili wenziwe osemusha ohambisa incwadi Yezindaba ZeBhayibheli kwafunda naye ekilasini, abonise nendlela lencwadi efundwa ngayo.
12 imiz: Xoxa nabazali ngesidingo sokuba babonane nothisha besikole ngaphambi kokuba izikole zivulwe ngonyaka ozayo, ikakhulukazi ngokuqondene nokuma kwethu emfundweni yezenkolo, umthandazo, imisebenzi yangemva kwesikole, nokwamukela izikhundla zokhetho. Yiba nomboniso obonisa indlela umzali nomntwana abakhuluma ngayo nothisha. Yiba nengxoxo nabamemezeli abathile abasebasha ngesimo esikhona ezikoleni abafunda kuzo ngokuphathelene nalezindaba. Zama ukwenza labantwana bakhulume ngokwenzekayo ngokuphathelene nalemisebenzi ezikoleni abafunda kuzo, ugcizelela ukubaluleka kokuhlala behlukile. Gcizelela isidingo sokusilalela ngokwethembeka isiqondiso esinikezwa “inceku ethembekileyo neqondayo.” Sebenzisa incwajana ethi ISikole. Abadala kumelwe balandelele ukuze baqiniseke ukuthi abazali bayasilalela isiqondiso esinikeziwe. Uma umzali engenakukhuluma nothisha omusha ngaphambi kokuba kuqale amaholide esikole, khona-ke ngaphandle kokulibala, umzali kufanele ahambe nengane yakhe lapho izikole zivulwa ngonyaka ozayo. Umzali kufanele achazele uthisha ngokuma kwethu ezindabeni ezihilela ukukhulekela kweqiniso nokungathathi-hlangothi. Uma um(aba)zali edinga usizo, angacela umdala othile ukuba amphelezele. Izinkinga ezingathi sína zingagwenywa uma lokhu kwenziwa.
INgoma 221 nomthandazo wokuphetha.
Isonto Eliqala NgoDecember 9
INgoma 166
5 imiz: Izaziso zebandla. Hlanganisa iZindaba EzingokwaseZulwini. Khuthaza bonke ukuba babe nengxenye egcwele enkonzweni ngalempela-sonto, futhi baqiniseke ukuba imibiko yenkonzo yasensimini yalenyanga iyalethwa.
25 imiz: “Ukushumayela Izindaba Ezinhle—Phakathi Nesikhathi Sakho Seholide.” Inkulumo nengxoxo nomkhaya.
(5 imiz.) Usihlalo uxoxa ngezigaba ezimbili zokuqala abese ethula ingxoxo yomkhaya. Ingokomoya lomkhaya akufanele lidebeselwe phakathi nesikhathi seholide. Izinhloko zemikhaya kufanele ziqikelele ukuthi izidingo ezingokomoya zinakekelwa ngazo zonke izikhathi.—Dut. 6:6, 7.
(18 imiz.) Ingxoxo yomkhaya ehlanganisa amaphuzu asezigabeni 3-6. Inhloko yomkhaya ixoxa nomkhaya ngamalungiselelo okudingeka enziwe ukuze kuqikelelwe ukuthi isikhathi seholide siyohlanganisa imisebenzi engokomoya. Elinye ilungu lomkhaya liye lathola ikheli nezikhathi zemihlangano ebandleni lendawo ozoyivakashela. Umkhaya unezincwadi ezanele ukuba uhlanganyele enkonzweni yasensimini nalelobandla, kanye nokusebenzisa amathuba okufakaza ngokwethukela. Kukhulunyelwa izimo ongase uhlangabezane nazo ezingavula amathuba okufakaza. Inhloko yomkhaya iqondisa ukunakekela emalungiselelweni okuba khona eMhlanganweni Wesigodi “Wabathandi Benkululeko” futhi ubakhumbuza ukuthi ekupheleni kosuku ngalunye lomhlangano bazobukeza amaphuzu esimiso sangalolosuku futhi uchaza izinzuzo zokwenza kanjalo. Umkhaya ukhulumela kafushane amaphuzu afanelekile avela esenezelweni seNkonzo Yethu YoMbuso kaJuly aphathelene nokuziphatha okufanele lapho sisemhlanganweni. Bonke babheke phambili ngokulangazela ekuzuzeni okuningi ngokuqondene nezinto ezingokwaseZulwini esikhathini sabo seholide.
(2 imiz.) Usihlalo uphetha ngokuqokomisa isidingo sokuba izinhloko zemikhaya ziqikelele ukuba zingadebeseli izidingo zomkhaya ezingokomoya, kungakhathaliseki ukuthi umkhaya uhlela ukwenzani.
15 imiz: Izidingo zebandla noma esithi “Ingabe Uyakuphika Ukuthambekela Okunesono?” Inkulumo esekelwe kuNqabayokulinda ka-August 15, 1991, amakhasi 29-31.
INgoma 196 nomthandazo wokuphetha.
Isonto Eliqala NgoDecember 16
INgoma 169
10 imiz: Izaziso zebandla. Hlanganisani nombiko wezimali kanye nencwadi evela eNhlanganweni ebonga iminikelo ethunyelwe ibandla. Yisho amalungiselelo ebandla okufakaza ngamaholide.
20 imiz: “Ukuhlala Simatasa Enkonzweni KaJehova.” Ingxoxo yemibuzo nezimpendulo. Umboniso womkhaya onamalungu amane. Esebenzisa ikhalenda lika-1992, ubaba uxoxa nomkhaya ngokuhlela isimiso ozosilandela ngoJanuary. Ucabangela ukuthi yiziphi izinsuku ongazibekela eceleni ukuze uhlanganyele enkonzweni yasensimini kanye nendlela azosebenza ngayo nelungu ngalinye lomkhaya.
15 imiz: “Ubuphayona—Inkonzo Eletha Imivuzo Ecebile.” Ukucatshangelwa ngemibuzo nezimpendulo. Xoxa namaphayona amabili. Yiziphi izithiyo okuye kwadingeka azinqobe ukuze angenele inkonzo yamaphayona? Yini eyawashukumisela ukuba aphayone? Yini eye yawasiza ukuba aphumelele ekuphayoneni kwawo? Khuthaza bonke ukuba bazicabangele ngomthandazo izimo zabo siqu.
INgoma 40 nomthandazo wokuphetha.
Isonto Eliqala NgoDecember 23
INgoma 197
10 imiz: Izaziso zebandla. Bonisa indlela omagazini bamuva abangahanjiswa ngayo. Zamani ukuqalisa umzila kamagazini noma kuphi lapho kungenzeka khona.
25 imiz: “Ukuba Nengxenye Ekwandeni KoMbuso.” Ingxoxo yemibuzo nezimpendulo ngesihloko esisesenezelweni. Khuthaza bonke ebandleni ukuba bakusebenzise ukwaziswa okusesenezelweni ngokuqhubeka bewusekela ngenhliziyo yonke umsebenzi wokwakha.
10 imiz: “Funda Ukuze Unwebe Imingcele Yakho.” Kumelwe isingathwe umbonisi weSikole Senkonzo EsingokwaseZulwini. Inkulumo esekelwe kuPhaphama! kaJuly 22, 1991, amakhasi 25-7, egcizelela isidingo sokuba ngabafundi abangcono. Siza izilaleli ukuba ziqaphele ukuthi ukukwazi ukufunda ngokushelelayo kukodwa akwanele; kumelwe sihlakulele ukuqonda okuhle.
INgoma 201 nomthandazo wokuphetha.