Yiba Iphayona Elisizayo NgoDecember
1 Sonke senza kahle ukuzibuza ukuthi: ‘Ngizoba umphathi wokukhanya ngezinga elingakanani ngoDecember? Ingabe ngingaba iphayona elisizayo?’—Math. 5:14, 16.
2 Abasha ababhapathiziwe ngokuvamile banesikhathi esengeziwe sokungayi esikoleni phakathi nesikhathi samaholide. Abanye abazali kanye nabanye abantu abadala abangabamemezeli bangase bakwazi ukuhlanganyela nabamemezeli abasha enkonzweni yasensimini eyandisiwe phakathi nenyanga. Abaningi abasebenza isikhathi esigcwele nabo bayoba nesikhathi esengeziwe sokusinikela kulenkonzo esindisa ukuphila.
3 Isici esiyisihluthulelo ekukwazini ukukhonza njengephayona elisizayo ukuzimisela kwethu ukwenza umzamo owengeziwe odingekayo. (Luka 13:24) Uma sihlela umsebenzi wethu ngokucophelela, kuhlanganise nezindaba zomkhaya nezebandla, isikhathi singenziwa sitholakale ukuze sibe nenjabulo yokukhonza njengephayona elisizayo.
4 Ingabe uzokwazi ukwandisa inkonzo yakho phakathi noDecember? Ukwenza kanjalo kungakusiza ukuba uzizwe unesibindi ngokwengeziwe ezindlini futhi kuphumele kokuhlangenwe nakho okwakhayo. Ngaleyondlela ungaba nenjabulo enkulu.—IzE. 20:35.