IZindaba Ezingokwasezulwini

E-Albania: Kusukela ngo-December 1991 kuya ku-December 1992, inani labamemezeli landa lisuka ku-24 liya ku-107. Inani lezifundo zeBhayibheli lenyuka lisuka kwezine kuya ku-221 phakathi nenkathi efanayo.

ECentral African Republic: Ngo-January 20, 1993, uhulumeni wakhipha umthetho ovumela ukuqala kabusha kwemisebenzi yoFakazi BakaJehova ngokugcwele. Abazalwane lapho bayajabula ngokuthi manje bayakwazi ukusebenzisa amaHholo abo oMbuso nokukwazi ukuqhuba uMhlangano Wesigodi “Wabaphathi Bokukhanya” ngokukhululekile. Kwaba nengqikithi yabangu-4739 ababekhona emihlanganweni eyisithupha eyaqhutshwa, futhi kwabhapathizwa abangu-121.

ENingizimu Afrika: Amanye amabandla amathathu aye ajabula ngokunikezelwa kwamaHholo awo oMbuso amahle amasha. Lawa ngelaseMolweni (enyakatho yePinetown), eSweetwaters (eduze nasePietermaritzburg), nelaseLydenburg.

Kuze kube manje sekunikezelwe amaHholo OMbuso ayishumi nambili kulonyaka. Okwamanje amabandla angamashumi amabili nesikhombisa amatasa akha amaHholo awo oMbuso. Sikhuthaza bonke abahileleke kulemisebenzi ukuba baqhubeke nokuwusheshisa umsebenzi. Sibonga bonke abazalwane nodade abazimisele abasebenza kanzima kulomkhakha wenkonzo.