IMihlangano Yenkonzo Ngo-March
Isonto Eliqala Ngo-March 7
INgoma 200
10 imiz: Izaziso zebandla neZaziso ezikhethwe ku-Nkonzo Yethu YoMbuso.
20 imiz: “Ukwanda Okuqhubekayo Kwandisa Isidingo SamaHholo OMbuso”—Ingxenye 1. Ukuhlanganiswa kwezigaba 1-10 zesenezelo. Gcizelela izizathu zokuba abadala kudingeke bathintane neKomiti Yokwakha Yesifunda zisuka nje lapho behlongoza umsebenzi wokwakha iHholo LoMbuso.
15imiz: “Hambisa Incwadi Ethi Intsha Iyabuza.” Ingxoxo nezilaleli. Yiba nabamemezeli abalungiselele kahle benze umboniso ngezintshumayelo ezisezigabeni 2 no-3. Futhi, yenza umboniso omfushane wendlela ummemezeli amema ngayo umninikhaya onesithakazelo ukuba eze eSikhumbuzweni nasenkulumweni yeningi ekhethekile. Ngemva komboniso ngamunye, izilaleli mazikhulumele lokho eziye zakufunda entshumayelweni. Khuthaza bonke ukuba bahlanganyele ekuhambiseni incwadi ethi Intsha Iyabuza kulenyanga.
INgoma 225 nomthandazo wokuphetha.
Isonto Eliqala Ngo-March 14
INgoma 205
10 imiz: Izaziso zebandla. IZindaba EzingokwaseZulwini. Donsela ukunakekela emaphuzwini athile akomagazini bamuva angase asetshenziswe enkonzweni yasensimini kulelisonto.
15 imiz: “Ingabe Ungakwandisa Ukudumisa Kwakho UJehova Phakathi No-April?” Sihlanganiswe ngemibuzo nezimpendulo. Thola ukukhulumela kulabo abaye baba amaphayona asizayo esikhathini esidlule. Bacele bachaze indlela abaye bahlela ngayo izimo zabo ukuze balisebenzise ngokunenzuzo lelilungelo. Khuthaza bonke abahlela ukuba amaphayona asizayo ngo-April ukuba bafake izicelo zabo ngokushesha ngangokunokwenzeka.
20 imiz: “Benze Bazizwe Bamukelekile ESikhumbuzweni.” Sihlanganiswe ngemibuzo nezimpendulo. Ngemva kwesigaba 3 yiba nomboniso omfushane obonisa inceku ekhonzayo yamukela umuntu omusha oze eSikhumbuzweni. Ababonisi abengamele kufanele babukeze uhlu lwezinto okumelwe zilungiselelwe oluku-Nkonzo Yethu YoMbuso ka-March 1993, ikhasi 7, ukuze baqikelele ukuthi kwenziwe wonke amalungiselelo eSikhumbuzo.
INgoma 150 nomthandazo wokuphetha.
Isonto Eliqala Ngo-March 21
INgoma 143
10 imiz: Izaziso zebandla, kuhlanganise nombiko wezimali nokubonga iminikelo. Xoxani ngebhokisi elithi “Ukudla Ngesikhathi Sakho.” Khuthaza bonke ukuba bamemele abantu abathakazelayo enkulumweni ekhethekile ezonikezwa ngo-April 10.
15 imiz: “Basize Bathathe Isinyathelo Esivumelana Nesigijimi SoMbuso.” Ingxoxo. Yiba nemiboniso elungiselelwe kahle yezintshumayelo ezisezigabeni 2 no-3.
20 imiz: “Ukwanda Okuqhubekayo Kwandisa Isidingo SamaHholo OMbuso”—Ingxenye 2. Inkulumo enikezwa ngentshiseko ngumdala esekelwe ezigabeni 11-21 zesenezelo. Gcizelela isidingo sezisebenzi zokuzithandela ezengeziwe, futhi uphathe amafomu e-Kingdom Hall Volunteer Worker Questionnaire kulomhlangano. Xoxani ngezinyathelo eziyishumi zokuthola iHholo LoMbuso. Uma isikhathi sivuma, hlanganisa nokuhlangenwe nakho okufanelekayo okuhlobene nemisebenzi yesikhathi esedlule yokwakha amaHholo oMbuso endaweni yakini. Unobhala kufanele asize agcine ikhophi yalesenezelo emafayilini “eHholo LoMbuso” ebandla.
INgoma 121 nomthandazo wokuphetha.
Isonto Eliqala Ngo-March 28
INgoma 112
15 imiz: Izaziso zebandla. Xoxa futhi wenze umboniso obonisa izindlela ezifanelekile zokufakaza ensimini yebandla ngesipho sango-April. Landisa okuhlangenwe nakho okubonisa indlela abanye abamemezeli abaye bathola ngayo izikhokhelo ezimpindelweni. Yisho amalungiselelo oSuku Lukamagazini olukhethekile ngo-April 9. Ingabe wonke umuntu usekulungiselele futhi usemi ngomumo ukuba achithe usuku olugcwele ekuhanjisweni kukamagazini? Abadala nezinceku ezikhonzayo kuyodingeka bahole ngentshiseko kulokhu futhi basize wonke umuntu ebandleni ukuba abe nengxenye. Benze babheke phambili ngokulangazela enkulumweni yeningi ekhethekile ngo-April 10. Khuthaza wonke umuntu ebandleni nabantu abathakazelayo ukuba babe khona. Lesi esinye isenzakalo esikhethekile esizoba khona phakathi no-April. Lenkulumo izonikezwa emhlabeni wonke emabandleni angaphezu kuka-70 000. Isihloko sithi “Inkolo Yeqiniso Ihlangabezana Nezidingo Zomphakathi Wesintu.”
15 imiz: “Bambisisa Isivumo Sethemba Lakho Ngokungaxegi.” Ihlanganiswe ngemibuzo nezimpendulo ngumqhubi weSifundo Se-Nqabayokulinda. Thola ukukhulumela kulabo abaye banqoba ukwesaba ukuphendula emihlanganweni. Gcizelela isidingo sokulungiselela kusengaphambili. Khuthaza ibandla ukuba lilungiselele ukuhlanganyela ngokugcwele esifundweni se-Nqabayokulinda sebandla samasonto onke.
15 imiz: Ukulondoloza Ukungathathi-hlangothi KobuKristu. Ingxoxo yencwadi yango-June 17, 1993, ephathelene nokungathathi-hlangothi kwethu esingathwa umdala onokuhlangenwe nakho. Phakathi no-April kuzoba nokhetho lukazwelonke eNingizimu Afrika. Ingabe abazalwane bazokwazi ukusingatha loluvivinyo olusha lobuqotho babo? Abantu bazobe bevukwe ugqozi lwezombangazwe. Lokhu kuzokwenzeka ikakhulukazi ensimini yabansundu lapho abantu bengakujwayele khona ukuvota nalapho kungase kusetshenziswe khona impoqo ukuze kwenziwe abazalwane bethu bavote. Sifuna ukugwema ingxabano yanoma yiluphi uhlobo. Yini okufanele siyenze? Phakathi nayo yonke inyanga ka-April, kuhlanganise no-April 27 lapho kungenzeka khona, kufanele sibe nengxenye egcwele emsebenzini wokushumayela. Ngokuziphatha kwethu nomsebenzi wethu wokushumayela obala abantu endaweni yakithi bayokubona ukuma kwethu okuqinile kokungathathi-hlangothi. Ikakhulukazi abadala kufanele bahlale benolwazi ngokwenzekayo ukuze bakwazi ukusiza nokunikeza iziqondiso. Khuthaza wonke umuntu ukuba azijwayelanise nokwaziswa okusencwadini ethi Ukubonisana ngaphansi kwesithi “Ukungathathi-hlangothi.”
INgoma 15 nomthandazo wokuphetha.