Imihlangano Yenkonzo Ka-November
Isonto Eliqala Ngo-November 4
INgoma 29
10 imiz: Izaziso zebandla. IZaziso ezikuyi-Nkonzo Yethu YoMbuso ezisebenzayo ebandleni. Khulumela umbiko webandla wenkonzo yasensimini wango-August. Khuthaza labo abangakayifaki imibiko yabo yenkonzo yasensimini ukuba bayifake ngaphandle kokulibala.
15 imiz: “Ingabe Uliphatha Ngokufanele IZwi LikaNkulunkulu?” Imibuzo nezimpendulo. Hlanganisa nesithi “Izizathu zokucabangela iBhayibheli,” esisencwadini ethi Ukubonisana, amakhasi 59-60.
20 imiz: “Lokhu Kusho Ukuphila Okumi Phakade.” (Izigaba 1-5) Ngemva kokukhulumela isigaba 1 kafushane okuyisingeniso, abamemezeli ababili abanekhono mabenze umboniso ngezintshumayelo ezisezigabeni 2-5. Gcizelela umgomo wokuqala isifundo seBhayibheli.
INgoma 128 nomthandazo wokuphetha.
Isonto Eliqala Ngo-November 11
INgoma 40
10 imiz: Izaziso zebandla. Umbiko wezimali.
20 imiz: Kungani Kumelwe Siphe UJehova? Ingxoxo phakathi kwabadala ababili, beqokomisa amaphuzu ayinhloko asesihlokweni esikuyi-Nqabayokulinda ka-November 1, 1996 amakhasi 28-31. Uma kungenjalo, umdala anganikeza lokhu kwaziswa njengenkulumo.
15 imiz: “Lokhu Kusho Ukuphila Okumi Phakade.” (Izigaba 6-8) Xoxani ngezinzuzo zokusebenzisa indlela eqondile yokuqala izifundo. Abamemezeli abanokuhlangenwe nakho mabenze umboniso ngezintshumayelo ezisezigabeni 6-7. Mema izilaleli ukuba zilandise izenzakalo lapho kwaqalwa khona isifundo ngokuhambela kokuqala. Lapho kusikiselwa isifundo ngokuqondile, enye indoda yaphendula: “Kulungile. Ngenani. Ngingathanda ukuqhutshelwa isifundo.” Kwaqalwa nayo isifundo, ngesonto elilandelayo wonke umkhaya waba khona, futhi ngokushesha bonke base beza emihlanganweni futhi behlanganyela emsebenzini wokufakaza. Bakhuthaze bonke ukuba beze nesenezelo se-Nkonzo Yethu YoMbuso ka-June 1996 eMhlanganweni Wenkonzo wesonto elizayo.
INgoma 129 nomthandazo wokuphetha.
Isonto Eliqala Ngo-November 18
INgoma 140
10 imiz: Izaziso zebandla.
15 imiz: “Sithunyiwe.” Imibuzo nezimpendulo. Khulumela kafushane izigaba 13-16 ezikuyi-Nqabayokulinda ka-January 1, 1988, amakhasi 28-9.
20 imiz: Ukuqhuba Izifundo ZeBhayibheli Ezithuthukayo. Inkulumo enikezwa umbonisi wenkonzo. Sekuphele unyaka sisebenzisa incwadi ethi Ulwazi emsebenzini wezifundo zeBhayibheli. Cishe sebekhona abafundi asebeyiqedile, kanti abanye sebeyikhathulile impela. Sakhuthazwa ukuba sigxile ekuqhubeni izifundo zokusiza abasanda kuhlanganyela ukuba bafunde iqiniso ngokushesha, balisebenzise ekuphileni kwabo, futhi babe ingxenye yebandla. Isenezelo se-Nkonzo Yethu YoMbuso ka-June 1996 sanikeza ukusikisela okuhle kokusisiza ukuba sibe abafundisi abaphumelelayo. Bukeza kafushane ezinye zezinto esingazenza ukuze sibafundise ngobuciko abantu esifunda nabo, njengoba kwashiwo ezigabeni 3-13 zaleso senezelo. Ngemva kwalokho, gxila kulokho okufanele kwenziwe ukuze ubasize bathathe ukuma okuqinile, njengoba kuchazwe ezigabeni 14-22. Funda izigaba 15, 17, 20-1. Bukeza imibiko ethile emihle ebonisa indlela abamemezeli bebandla abaye bayifinyelela ngayo imiphumela emihle. Khuthaza abengeziwe ukuba bahlanganyele emsebenzini wezifundo zeBhayibheli.
INgoma 85 nomthandazo wokuphetha.
Isonto Eliqala Ngo-November 25
INgoma 46
5 imiz: Izaziso zebandla.
15 imiz: “Ingabe Uyayazisa INguqulo Yezwe Elisha?” Inkulumo enikezwa umdala. Khuthaza ibandla ukuba lisebenzise INguqulo Yezwe Elisha YemiBhalo YamaKristu YesiGreki engezilimi zabo. INhlangano ingathanda ukuba wonke amakhophi alenguqulo anikezwe umphakathi ngaphambi kokuba kukhishwe INguqulo Yezwe Elisha ephelele.
10 imiz: IBhokisi Lemibuzo. Xoxa nezilaleli.
15 imiz: Bukeza Isipho Sencwadi Sango-December. Hambisa INguqulo Yezwe Elisha kanye nencwadi ethi IBhayibheli—Izwi LikaNkulunkulu Noma Elomuntu? Usebenzisa amakhasi 327-31 encwadini ethi “Yonke ImiBhalo,” bonisa ukuvelela kwe-Nguqulo Yezwe Elisha. Iphakamisa futhi idumise igama laphezulu (izigaba 1-2), ukuhumusha kwayo okuthuthukisiwe kwenza indaba iqondakale ngokwengeziwe (isigaba 6), futhi iyithuluzi elinamandla lokusetshenziswa ensimini (izigaba 22-3). Chaza bese kuba nomboniso wentshumayelo emfushane, kusetshenziswa amaphuzu asekhasini 189 encwadi ethi IBhayibheli—Izwi LikaNkulunkulu Noma Elomuntu? Uma INguqulo Yezwe Elisha ingatholakali ngezinye izilimi zendawo, abamemezeli kufanele bagxile ekuhambiseni incwadi ethi IBhayibheli—Izwi LikaNkulunkulu Noma Elomuntu? Noma nini lapho kuboniswa isithakazelo, kufanele kwenziwe amalungiselelo aqondile okuphindela.
INgoma 180 nomthandazo wokuphetha.