Ukujabulela Ukwanda Okunikezwa UNkulunkulu

¹ AmaKristu ekhulwini lokuqala ayengabashumayeli boMbuso abashisekayo. Ajabula lapho ‘amabandla anda ngesibalo usuku nosuku.’ (IzE. 16:5) Ukushumayela kwawo ngesibindi kwaqhubekela e-Asia, eYurophu nase-Afrika, kwaphumela esivunweni esicebile samakholwa.

² UJesu wabikezela ukuthi ezinsukwini zokugcina, umsebenzi wokushumayela wawuyofinyelela ‘emhlabeni wonke owakhiwe nasezizweni zonke’! (Math. 24:14) Ngonyaka wenkonzo ka-1996, sathola imibiko yokwanda okumangalisayo kanye namanani amasha aphakeme abamemezeli evela emazweni akuwo wonke umhlaba. Kuye kwamiswa amabandla amaningi amasha. Lokhu kwanda okusheshayo kuye kwenza ukuba kudingeke kwakhiwe amaHholo OMbuso namaHholo OMhlangano amasha amaningi futhi kwandiswe nezakhiwo eziningi zamagatsha.

³ INkonzo Yethu YoMbuso ka-August 1996 yabika umsebenzi omkhulu wokwakha owenziwa e-Afrika. Umsebenzi ofanayo uyaqhubeka kulo lonke elaseLatin America. Ngonyaka wenkonzo ka-1996, iMexico ibike inani eliphakeme eliyingqayizivele labamemezeli abangu-470-098 nesilinganiso sezifundo zeBhayibheli ezingu-600 751, okudinga ukuba kumiswe amabandla amasha angu-466! Ukwandiswa kwezakhiwo zegatsha lakhona kuhlelelwe ukuqedwa ngasekupheleni kuka-1999. Ukwanda okufanayo kwamanye amazwe amaningi kwenza ukuba kungayekethiswa kwezinye izinhlobo zemisebenzi yokwakha okungokwasezulwini.

⁴ Izindleko zokwakha ziphakeme kuyo yonke indawo, futhi abafowethu emazweni amaningi banokuncane abangakunikela ngokwezinto ezibonakalayo. Nokho, entshisekweni yabo enkulu ngenkonzo kaJehova, ngokuqinisekile bayakhula ngokomoya futhi banda ngamanani amakhulu. IzAga 28:27 ziyasiqinisekisa ukuthi “opha ompofu akayikuswela.” Ukuzimisela kwethu ukusiza ekuhlangabezaneni nalezi zindleko zokwakha kuphumela ekubeni kube khona ‘ukulingana’ ezintweni ezibonakalayo, kwenze ukuba sonke sithole injabulo ebangelwa ukupha kanye nenjabulo ebangelwa ukubona ukwanda esikunikezwa uJehova!—2 Kor. 8:14, 15; IzE. 20:35.

[Isithombe ekhasini 4, 5]

Igatsha LaseParaguay

[Isithombe ekhasini 4]

Igatsha Lase-Ecuador

[Isithombe ekhasini 4, 5]

Ukwandisa KwelaseMexico Kuyaqhubeka

[Isithombe ekhasini 4, 5]

Igatsha LaseDominican Republic

[Isithombe ekhasini 4]

Igatsha LaseBrazil Nengxenye Eyandisiwe

[Isithombe ekhasini 4, 5]

Kwakhiwa Igatsha Lase-Uruguay

[Isithombe ekhasini 5]

AmaHholo OMbuso akhiwe ngezindleko eziphansi eLatin America

1. EBrazil

2. ENicaragua

3. EChile

4. EColombia

5. EMexico

6. EBrazil

7. EPeru

8. EVenezuela

9. EMexico