IBhokisi Lemibuzo

◼ Asizinikeleli yini kabili izincwadi ngokunikela lapho siziphaka nalapho sifaka iminikelo esiyithole ensimini emabhokisini omnikelo alungiselelwe umsebenzi weNhlangano womhlaba wonke?

Cha. Iminikelo efakwa emabhokisini omnikelo womsebenzi weNhlangano womhlaba wonke akuyona eyezincwadi kuphela. Kokubili abamemezeli nabantu abanesithakazelo esiqotho esibathola ensimini bathola izincwadi ngaphandle kwenkokhiso. Lapho abamemezeli befaka iminikelo, basuke besekela ukunakekelwa kwamahhovisi egatsha, amakhaya aseBethel, izikole zezithunywa zevangeli nezezinceku ezikhonzayo, izithunywa zevangeli, ababonisi abajikelezayo, izikhungo zokusakaza izincwadi nezinye izinkonzo eziningi ezisekelayo ezidingekayo ukuze kufezwe isabelo uJesu asinikeza abafundi bakhe. Ukunyathelisa izincwadi kumane kuyingxenye encane nje yalokhu.

Ngakho, lapho sithola iminikelo kwabathakazelayo ensimini, akufanele sithi umnikelo “ungowezincwadi.” Njengoba sibachazela, labo abafisa ngobuqotho ukufunda izincwadi zethu bazithola ngaphandle kwenkokhiso. Noma imiphi iminikelo abanjalo abayinikelayo iyosetshenziselwa ukunakekela izindleko ezihilelekile emsebenzini womhlaba wonke. Kungokufanayo nangeminikelo eyenziwa abamemezeli.

Ngakho asikho isizathu sokuba abamemezeli besabe ukucela umnikelo womsebenzi womhlaba wonke, benombono wokuthi sebezikhokhele kakade izincwadi.