Izintshumayelo Ezisikiselwe

Zokuqala izifundo zeBhayibheli ngoMgqibelo wokuqala ku-July

“Abaningi baye baphindaphinda la mazwi atholakala eMthandazweni WeNkosi: ‘Umbuso wakho mawuze. Intando yakho mayenzeke nasemhlabeni, njengasezulwini.’ Ucabanga ukuthi uyini lowo Mbuso? [Lindela impendulo.] Leli vesi leBhayibheli lisinikeza umkhondo.” Funda uDaniyeli 2:44. Yibe usunika umninikhaya INqabayokulinda ka-July 1 bese nifunda futhi nixoxe ngendaba esesihlokwaneni sokuqala ekhasini 16. Mnike umagazini bese uhlela ukubuya nizoxoxa ngempendulo yombuzo olandelayo.

INqabayokulinda July 1

“Ngenxa yokuthi ukuphila kufushane futhi kugcwele izinkinga, abaningi bayazibuza ukuthi iyini injongo yokuphila. Ingabe wake wacabanga ngalokho? [Lindela impendulo.] IBhayibheli lithembisa ukuthi ukuphila ngeke kuhlale kunje. [Funda IsAmbulo 21:4.] Lo magazini ukhuluma ngenjongo kaNkulunkulu ngomhlaba futhi unikeza nohlu lwezinto esingazenza ngisho namanje ukuze siphile ukuphila okunenjongo.”

Phaphama! July

Phawula ngenhlekelele esematheni kwabezindaba, bese uthi: “Ucabanga ukuthi kungani uNkulunkulu evumela izinto ezinjena ukuba zenzeke? [Lindela impendulo.] NgokweBhayibheli, uNkulunkulu uyazwelana nabahluphekayo. [Funda u-Eksodusi 3:7.] IBhayibheli lisitshela nokuthi kungani uNkulunkulu evumela ukuhlupheka nokuthi ngokushesha uzokuqeda unomphela. Lo magazini uyachaza.”