Израил раԥхьатәи аҳ инаиркны Вавилонтәи аҭҟәара аҟнынӡа

Израил раԥхьатәи аҳас дҟалоит Саул. Аха Иегова уи мап ицәикуеит, уи ихаҭыԥангьы Давид далихуеит. Давид иҵегь ирацәаны деилаҳкаауеит. Данқәыԥшыз Давид заура дууз Голиаф диабашьит. Нас уи ишьыцуаз аҳ Саул иҟнытә иҽиҵәахуан. Анаҩс Авигеиа ԥшӡа Давид хшыҩ зҵамыз ахымҩаԥгашьа дацәылхьчеит.

Уи ашьҭахь ҳара деилаҳкаауеит заб иашьҭахь иаҳхаз, Давид иҷкәын Соломон. Раԥхьатәи хҩык Израил аҳцәа напхгара руан 40—40 шықәса. Соломон данԥсы, Израил ҩ-аҳракны ишан: аҩадахьтәии аладахьтәии.

Аҩадахьтәи жәабиԥарактәи аҳра 257 шықәса иҟан, уи ассириаа ихдырбгалаанӡа. 133 шықәса рышьҭахь ихырбгалан аладахьтәи ҩ-биԥарактәи аҳра. Израилаа Вавилонҟа иҭҟәаны иргеит. Убас АԤШЬБАТӘИ ахәҭаҿы ҳара ишаабо ҳгәы зырхыҭ-хыҭуа ахҭысқәа рыла иҭәу ҳҿаԥхьа ииасуеит 510 аҭоурыхтә шықәсқәа.