Ноиабр амзазы ирылаҳарҵәоит абуклет «Аҳра иазку ажәабжь» № 38
1. Иарбан зҵаарақәоу иԥсхьоу ирызкны ауаа еилыркаарц ирҭаху, насгьы аҭак шԥараҳҭало ҳара амза ноиабр азы?
1 Аԥсра — ауаа зегьы ираӷоуп, урҭ динхаҵарас изҵанакуазаалакгьы (1 Кор. 15:26). Аӡәырҩы ирдыруазарц рҭахуп иԥсхьоу ахьыҟоу, насгьы ирылшома урҭ рбара. Убри аҟынтә, аизарақәа адунеи зегь аҟны мызкы аҩныҵҟа ирыладырҵәалоит абуклет «Аҳра иазку ажәабжь» № 38, «Ирылшома иԥсхьоу ҿыц анхара?» захьӡу. Уи акампаниа алагоит ноиабр 1 инаркны. Уи ашьҭахь ҳара абуклет «Аҳра иазку ажәабжь» № 38 ҳхы иаҳархәалоит егьырҭ абуклетқәа зегь реиԥш.
2. Иарбан ҷыдарақәоу иамоу абуклет «Аҳра иазку ажәабжь» № 38?
2 Абуклет аҷыдарақәа. Абуклет «Аҳра иазку ажәабжь» № 38 ҩбаны ирҽтәуп, аԥхьа иану аинтерес зҵоу ахьӡ, насгьы ажәақәа «Аҭак шԥаҟашәҵарыз? Ааи. Мап. Иҟалап» убаларц. Абуклет анааиртлак, аԥхьаҩ ибоит абуклет ахьӡ аҿы иаагоу азҵаара Абиблиа аҭак шыҟанаҵо, насгьы еиликаауеит абиблиатә қәыргәыӷра иара изы иаа́наго. Иара убас ибоит амзызқәа, Абиблиа агәрагара изаԥсоу. Абуклет аҵыхәтәантәи адаҟьаҿы иаагоуп дзызхәыцырц илшо азҵаара, насгьы идгалоуп инарҭбааны аинформациа иоурц шилшо.
3. Ишԥарылаҳарҵәало ҳара абуклет «Аҳра иазку ажәабжь» № 38?
3 Ишрыларҵәатәу. Ари акампаниа мҩаԥгахоит агәаларшәара Ахәылԥаз ма аобласттә конгресс ахь ауаа ааԥхьара анраҳҭо имҩаԥысуа акампаниа еиԥш. Аизара аиҳабацәа анапхгара ҳарҭоит аизара атерриториа аус шадулатәу иазкны, аизара аиҳабацәа зегь рахь ирхоу асаламшәҟәы 2013 шықәса апрель 1 иану инақәыршәаны. Зтерриториа рацәам аизарақәа ааигәа иҟоу аизарақәа ацхыраара рыдыргалар рылшоит. Абуклет «Аҳра иазку ажәабжь» № 38 мчыбжьык аҩныҵҟа шаҟа шәызшо шәгар шәылшоит. Акампаниа иалагӡаны аизара иаҵанакуа атерриториа зегьы аус адулазар, абуклет рыдаагалалар ауеит ауаа рацәа ахьыҟоу аҭыԥқәа рҿгьы. Акампаниа нҵәаанӡа абуклетқәа зегь рыларҵәазар, ауаа ирыдгалатәуп уи амза аҩныҵҟа ашаразы иазалху алитература. Актәи асабшазы ҳара абиблиатә ҵара рыдаагалаӡом, аха акампаниа ҳалахәзаауеит. Аԥсшьарамшқәа раан иара убас ирыдугалалар ауеит ажурналқәа, иахәҭоуп ҳәа ануԥхьаӡо. Угәы иҭоума уара иааираны иҟоу акампаниа уаамҭа зегьы ақәырӡра?