Ҳхы иаҳархәоит ҳсаит ахәыҷқәа рырҵараҿы
1. Иарбан хықәку иамоу ҳсаит аҟәша «Ахәыҷқәа»?
1 Ҳара ҳсаит, jw.org, убас ишьақәгылоуп, еиуеиԥшым ақәрақәа ирыҵанакуа ауаа аднаԥхьалартә. Ҳсаит аҟәша «Ахәыҷқәа» (Уахәаԥш агәылаҵа «Абиблиатә ҵарақәа» > «Ахәыҷқәа») зықәра маҷу ахәыҷқәа рҭаацәеи дареи Иеговеи еизааигәанатәуеит (Ҩынтә. 6:6, 7). Ишԥаилшо ауаҩы ихы иаирхәар ари аҟәша ахәыҷқәа рырҵараҿы?
2. Ишԥалхтәу ахәыҷы иқәра иаҵанакуа аматериал?
2 Аҽыԥсахра уазхиаз. Ақәрақәа зегьы рхатә ҭахрақәа рымоуп (1 Кор. 13:11). Убри аҟынтә ахәыҷы ирҵаразы иқәра иаҵанакуа аматериал изалхтәуп. Ишԥа? Ухы уазҵаа: «Интересс имоузеи еиҳараӡак сара схәыҷы? Изеилкаауама уи иара? Шаҟаамҭа дузадыртәалозеи иара?» Хышықәса зхымҵыц ахәыҷқәа рҿы еилургалар ауеит арубрика «Абиблиа зегь раасҭа ихәыҷқәоу рзы» аҟынтәи ажәабжьқәа. Иҟоуп аҭаацәарақәа гәахәарала абиблиатә жәабжьқәа еилзырго арубрика «Шәхәыҷқәа аҵара дшәырҵала» аҟынтә. Шәрызхәыц иара убас ҵаҟа иаагоу адгаларақәа.
3. Ишԥарылшо аҭаацәа алҵшәа бзиа аанагартә еиԥш рхы иадырхәаларц ажәабжьқәа, насгьы «Аҭаацәаратә мҵахырхәара азы адҵақәа» захьӡу арубрика аҟынтәи адҵақәа?
3 Аҭаацәаратә мҵахырхәара азы адҵақәа. Арҭ адҵақәа — уаҳа назҭахым цхыраагӡа бзиоуп аҭаацәа рзы, рхәыҷқәа рааӡараҿы. Шәақәыӷәӷәа «Аҭаҩра», насгьы шәаԥхьа дҵацыԥхьаӡа иацу «Аҭаацәа рзы анапхгара». Шәхы иашәырхәала асахьақәа-адҵақәа, иаҳҳәап иушәуа адаҟьақәа, еиҳа зықәра маҷу ахәыҷқәа идурҵаларц азы. Еиҳа еиҳау ахәыҷқәа дара ирызку адҵақәа рынагӡара шәрыцхраала. Абиблиатә жәабжьқәеи аурокқәеи ирыцуп адҵақәа еиуеиԥшым ақәра змоу ахәыҷқәа рзы, убри аҟынтә аҭаацәаратә мҵахырхәара зегьы рҽаладырхәыр рылшоит.
4. Иуԥшаарц иулшозеи арубрикаҿ «Иегова уиҩызаха»?
4 Иегова уиҩызаха. Ари арубрика аҟынтә авидео, ашәақәа, адҵақәа аҭаацәа ирыцхраауеит рхәыҷқәа Анцәа Иажәа бзиа дырбара (Ҩынтә. 31:12). Икьаҿу амультфильмқәа зегьы рҿы иаагоуп аурок хада, насгьы иацу адҵақәа уи еиҳа иаанартуеит. Ахәыҷқәа ашәаҳәара бзиа ирбоит — ашәа еилыркааз агәынкылараҿ ирыцхраауеит — Аҳра иазку ашәақәа, насгьы ҷыдала ахәыҷқәа рзы еиҿкаау ашәақәа асаит аҿы иааиԥмырҟьаӡакәа ицәырҵуеит.
5. Избан аҭаацәа Иегова иҳәалар зрыхәҭоу дрыцхраарц ахәыҷқәа аиашаҿы рааӡара?
5 Аҭаацәа, Иегова иҭахуп, шәара шәхәыҷқәа рааӡараҿы ақәҿиара шәымазарц. Убри аҟынтә шәиҳәала Анцәа дшәыцхраарц шәхәыҷқәа аиашараҿ ишәааӡарц (Аӡб. 13:8). Иегова ицхыраарала шәара шәхәыҷқәа адырра рышәҭоит, аҟәыӷара рызҭо, «ахеиқәырхара зылшо аӡә ракәны» иҟаларц (2 Тим. 3:15; Ажәам. 4:1—4).