Абиблиатә ҵара анымҩаԥуго иҟаҵатәым

Мыцхәы аиҭаҳәара. Ауаҩы зегь иеилзыркааша уара уоуп ҳәа угәы иаанамган. Иисус ауаа азҵаарақәа риҭон, рхаҭа ииҳәоз иазхәыцларц, насгьы ииашоу алкаа аҟаҵара дрыцхраарц азы (Матф. 17:24—27). Азҵаарақәа абиблиатә ҵара аинтерес аҵаҵаны амҩаԥгара иуцхраауеит. Иара убас урҭ ауаҩы зыгәра иго, насгьы аматериал шеиликаауа удырбоит (be-​U 253, абз. 2, 3). Ауаҩы азҵаара аниуҭалак ашьҭахь, ачҳара аарԥшны аҭак уазыԥшы. Ииашамкәа аҭак ҟаиҵозар, ириашара уаламган. Уи аҭыԥан еиҭа азҵаарақәа иҭаны, ииашоу алкаа аҟаҵара уицхраа (be-​U 238, абз. 1, 2). Азхәыцра ҿыцқәа умыццакыкәа изеиҭаҳәала, урҭ еиӷьны еиликаарц азы (be-​U 230, абз. 4).

Аруадаҩра. Шәзыхцәажәо атема иазкны иудыруа зегь аиҭаҳәара уҽазумшәан (Иоанн 16:12). Абзац аҿы иаагоу ихадоу азхәыцра ухы азышьҭ (be-​U 226, абз. 4, 5). Инарҭбаау аинформациа, уи даара аинтерес аҵазаргьы, ихадоу азхәыцра аҟынтә уахнагар алшоит (be-​U 235, абз. 3). Абиблиа зурҵо ихадоу азхәыцра еиликаазар, анаҩстәи абзац ахь уиас.

Аматериал мацара ухы азышьҭра. Хықәкыс иҳамоу аматериал баша ахысра акәымкәа, ауаҩы игәаҵанӡа анагара ауп (Лука 24:32). Ихадоу абиблиатә жәеинраалақәа урзааҭгылала, уи ала Анцәа Иажәа аус арула (2 Кор. 10:4; Аур. 4:12; be-​U 144, абз. 1—3). Имариоу аҿырԥштәқәеи аиҿырԥшрақәеи ухы иархәала (be-​U 245, абз. 2—4). Аматериал Абиблиа зурҵо иҭахрақәа ирықәыршәала, иҭагылазаашьақәеи идинхаҵаратә гәаанагарақәеи урызхәыцла. Абас еиԥш иҟоу азҵаарақәа иҭала: иугәаԥхома уара еилукаауа? Иаҳнарҵозеи ҳара ари Иегова изкны? Иарбан хәарҭоу уара ари алабжьара иузаанаго? (be-​U 238, абз. 3—5; 259, абз. 2).