Иегова гәыкала абзиабара шааирԥшуа агәра гала

Иегова даара ухә ҳаракны ишьоит (Ис. 43:4). Иегова ихаҭа иара иахь уааиԥхьеит, насгьы иорганизациа уахәҭакны аҟалара улиршеит. Уара уԥсҭазаара иара изукит, насгьы уҽӡааухит. Уажәшьҭа уара Иегова уитәуп, иара ауадаҩра ӷәӷәақәа раангьы уаанижьӡом. Иара гәыкала бзиа ушибо иорганизациа ала иааирԥшуеит (Аԥсал. 25:10).

Ҳара Иегова иааирԥшуа абзиабара еиҳагьы ахә ҳаракны иаҳшьалоит, иорганизациа аԥсабаратә рыцҳарақәа ирықәшәаз ишрыцхраауа ҳаназхәыцуа.

УАХӘАԤШ АВИДЕОНҴАМҬА «АКООРДИНАТОРЦӘА РКОМИТЕТ АҲАСАБРБА (2019 ШЫҚӘСА)», АНАҨС ҴАҞА ИААГОУ АЗҴААРАҚӘА РҬАК ҞАҴА:

• 

  Ишԥарыцхраауеи Акоординаторцәа ркомитет афилиалқәа аԥсабаратә рыцҳарақәа рҽырзыҟаҵара?

• 

  Иҟанаҵазеи Иегова иорганизациа Индонезиеи Нигериеи аԥсабаратә рыцҳара иақәшәаз рыцхрааразы?

• 

  Иугәаԥхазеи еиҳараӡак ҳорганизациаҿы апандемиа COVID-19 аан аишьцәа рхы шымҩаԥыргаз аҟынтә?