Иқәыԥшу аишьцәеи аиҳәшьцәеи, шәҭаацәа гәаартыла шәрацәажәала!

Избан аҭаацәа гәаартыла израцәажәалатәу? (Ажәам. 23:26). Избанзар Иегова уааӡареи уеиҷаҳареи урҭ ирыдиҵеит (Аԥсал. 127:3, 4). Аха угәҭыхақәеи иумоу ауадаҩрақәеи рцәуҵәахлар, урҭ уцхраара рцәыцәгьахоит. Уи адагьы, ирымоу аԥышәа уцеиҩыршартә алшара руҭаӡом. Иаанагома уи зегь ҳәалатәуп ҳәа? Мап, иҳәатәу ак рцәумҵәахуазар (Ажәам. 3:32).

Ишԥаҳалшо гәаартыла ҳҭаацәа ҳрацәажәар? Шәеицәажәаразы еиҳа иманшәалоу аамҭа алх. Рацәажәара уцәыуадаҩзар, угәҭыхақәа анҵаны руаӡәк асаламшәҟәы изуҩыр улшоит. Аха уҭаацәа узлацәажәар уҭахым темак иалацәажәар рҭахызар? Иухоумыршҭлан, урҭ уцхраарц ауп ирҭаху. Уҭаацәа уҩызцәа реиԥш урыхәаԥшла, уаӷацәа реиԥш акәымкәа. Гәаартыла уҭаацәа рацәажәашьа уҵар, уи уԥсҭазаараҿы ахәарҭа ду узаанагоит, иахьагьы наӡаӡагьы! (Ажәам. 4:10—12).

УАХӘАԤШ АВИДЕОНҴАМҬА «АХБЫЏ ИԤСҬАЗААРА. ҲАШԤЕИЛИБАКААРИ СҬААЦӘЕИ САРЕИ?», АНАҨС ҴАҞА ИААГОУ АЗҴААРАҚӘА РҬАК ҞАҴА:

• 

  Еилыркаазеи Естери Партики?

• 

  Иҿаҳҵаар ҳалшозеи Иисус?

• 

  Ишԥауеиҷаҳауеи уҭаацәа?

• 

  Иарбан библиатә принципқәоу уҭаацәа гәаартыла рацәажәаразы иуцхраар алшо?