Аиашамра ҳанақәшәо иҟаҳҵар ҳалшо

Иосиф дзықәшәаз аиашамра еилышәкаарц азы шәаԥхьа Аҟазаара 37:23—28; 39:17—23.

Аконтекст шәазхәыц. Избан Иосиф ииашамкәа изизныҟәоз? (Аҟаз. 37:3—11; 39:1, 6—10). Шаҟаамҭа иҟази ус? (Аҟаз. 37:2; 41:46). Иҟаиҵози Иегова Иосиф изы иуадаҩыз урҭ аамҭақәа раан, насгьы иҟаимҵози? (Аҟаз. 39:2, 21; w23.01 17, абз. 13).

Акәамаҵамарақәа шәрызхәыц. Абиблиаҿы ианӡам Иосиф Потифар иԥшәма амц изҳәаны идылҵаз ахара шиашамыз шьақәирӷәӷәарц дашьҭан ҳәа. Ишԥаҳацхраауеи Ажәамаанақәа 20:2, Иоанн 21:25, насгьы Аусқәа 21:37 абас еиԥш иҟоу азҵаарақәа рызхәыцра: «Избан Иосиф акгьы шихарам зимҳәаз? Избан ари ахҭыс иадҳәалоу акәамаҵамарақәа зегь реилкаара ашьҭалара зҳахәҭам?» Шәгәы ишԥаанаго, иарбан ҟазшьақәоу Иосиф ицхрааз ииашамкәа иахьизныҟәоз ахгара? (Мих. 7:7; Лука 14:11; Иак. 1:2, 3).

Иаҳнарҵо. Шәхы шәазҵаа:

• «Иарбан иашамроу сзықәшәар алшо Иисус иҵаҩы ахьсакәу азы?» (Лука 21:12, 16, 17; Аур. 10:33, 34).

• «Сҽазыҟасҵар шԥасылшо уажәнатә аԥхьаҟа сзықәшәар алшо аиашамра ахгара?» (Аԥсал. 62:7, 8; 105:17—19; w19.07 2—7).