Абиблиа иаҳәаз ҟалоит

Абиблиа иҟалахьоу ииашаны аарԥшра мацара акәымкәа, ҳаԥхьаҟа иҟалаша атәгьы ҳанаҳәоит. Ауаа ирылшаӡом ҳаԥхьаҟа иҟало заа аҳәара. Убри алагьы ҳара иаадыруеит, Абиблиа — Анцәа ишәҟәы шакәу. Иаҳәозеишь уи ҳаԥхьаҟа иҟалаша аганахьала?

Уи Анцәа иеибашьра дуӡӡа атәы ҳанаҳәоит. Убри амш аҽны Анцәа адгьыл ирыцқьоит цәгьарас иҟоу зегьи ауаа цәгьақәа зегьи рҟынтә, аха имаҵ зуа ауаа еиқәирхоит. Анцәа иалихыз аҳ Иисус Христос деиҷаҳауеит, арҭ ауаа ирымазарц аҭынчра, анасыԥ, ахаангьы уаҳа ичмазаҩымхаларц, иагьымԥсларц.

Узыргәырӷьаша акы акәӡами, Анцәа ҩаԥхьа адгьылаҿы џьанаҭ ахьышьақәиргыло? Аха ари џьанаҭ аҟны ҳанхаларц ҳҭахызар, уи азы иҟаҳҵаша акы ыҟоуп. Ари ашәҟәы аҵыхәтәантәи ажәабжь аҟны ҳара еилаҳкаауеит, Анцәа иҳәатәы назыгӡо ауаа ирызирхиаз арҭ азылԥхара џьашьахәқәа ҳаурц азы, иҟаҳҵарц иахәҭоу. Убри аҟнытә уаԥхьа ААБАТӘИ ахәҭа, нас иеилкаа — Абиблиа ҳаԥхьаҟа иҟалаша иазкны иаҳәо.