Адгаларақәа рыхкқәа

Абиблиа аҵара ишалагатәу маи амза раԥхьатәи асабшазы

«Ҳара иахьа иааркьаҿны ҳалацәажәоит аинтерес зҵоу абри аҩыза азҵаара. [Ирба «Илшома аӡәыр аԥхьаҟа иҟало аҳәара?» захьӡу аброшиура аҵыхәтәантәи адаҟьаҿы иану актәи азҵаара.] Иахышәҳәаауазеи уи шәара?» Уазыӡырҩы аҭак. Уалацәажәа азҵаара анаҩс иану аматериал, насгьы ҵаҟа иаагоу жәеинраалак иадамзаргьы. Аброшиура идгаланы, уиацәажәа ҿыц шәеиқәшәарц, анаҩстәи азҵаара аилыргаразы.

Аброшиура «Илшома аӡәыр аԥхьаҟа иҟало аҳәара?».

«Аӡәырҩы аԥхьаҟа иаҳзыԥшу рдырырц иашьҭоуп. Ԥхьаҟатәи аԥеиԥш шәаназхәыцуа, иарбан цәаныррақәоу шәара ишәызцәырҵуа? Агәра ганы шәыҟоума абзиара шаҳзыԥшу, мамзаргьы уи агәҭынчымра шәызцәырнагоу? [Уазыӡырҩы аҭак. Анаҩс арамка «Анцәа заа ииҳәахьаз ԥхьаҟатәи аԥеиԥш иазкны» аҟынтәи библиатә жәеинраалак уаԥхьа.] Ари аброшиураҿы иануп ԥхьаҟатәи аԥеиԥш иазкны Анцәа иҳаиҭо ақәыргәыӷрақәа, насгьы уи зегьы шынагӡахо агәра ҳгар зҳалшо».

Аброшиура «Астресс. Ишԥаиааитәу уи?».

«Ҳара ауаа ҳрыцхраауеит астресс ишаиааитәу аилкаара. Шәгәы ишԥаанаго, иахьатәи аамҭазы астресс змоу ауаа еиҳа ирацәоума, уаанӡа аҵкыс? [Уазыӡырҩы аҭак.] Аӡәырҩы игәарҭеит Абиблиа иану алабжьарақәа астресс рыхгара ишрыцхраауа. Абар лабжьарак. [Уаԥхьа Матфеи 6:34.] Ари аброшиураҿы иануп ԥшь-мзызк ирыхҟьаны ауаҩы изцәырҵуа астресс ихигаразы абиблиатә принципқәа шицхраауа».

Азгәаҭа: ари аброшиура еиҳараӡак абизнесменцәа аинтерес рызцәырнагар алшоит.