Адгаларақәа рыхкқәа

Абиблиа аҵара ишалагатәу сентиабр амза раԥхьатәи асабшазы.

«Амаалықьцәа рыгәра зго ауаа рацәоуп. Шәара урҭ рыгәра жәгома? [Уазыӡырҩы аҭак.] Шәгәы ишԥаанаго, урҭ ҳара иҳацхраартә алшара рымоума? Абиблиаҿы иҳәоуп урҭ иахьа ишҳацхраауа». Ирба аброшиура «Иамоума Адгьыл аиқәхаразы алшара?» захьӡу аҵыхәтәантәи адаҟьа, нас уалацәажәа актәи азҵаара анаҩс иану аматериал, насгьы ҵаҟа иаагоу жәеинраалак иадамзаргьы. Аброшиура идгаланы, уиацәажәа ҿыц шәеиқәшәарц, анаҩстәи азҵаара аилыргаразы.

Аброшиура «Иамоума Адгьыл аиқәхаразы алшара?».

«Шәгәы ишԥаанаго, иауама арҽеира ауаа адгьыл иарҭо аԥхасҭа? [Уазыӡырҩы аҭак.] Ауаа ари аԥхасҭа арҽеира рылшаӡом, аха Абиблиа ишаҳәо ала, Анцәа илшоит, насгьы иҭахуп уи аҟаҵара. Абар закәытә қәыргәыӷроу иану Ԥсалом 65:9. [Уаԥхьа.] Ари аброшиураҿы Анцәа адгьыл деиҷаҳарц игәы ишҭоу, насгьы урҭ ԥхьаҟатәи азылԥхарақәа ҳаурц шҳалшо атәы аҳәоит. Уи шәзаансыжьыр сҭахын».

Аброшиура «Аемоциатә ааԥсара. Иҟаҵатәузеи?».

«Ҳара иахьа ауаа еицырзеиԥшу уадаҩрак ҳалацәажәоит. Шьоукы аусураҿы реиҳабацәа хышьҭыхха рырҭом, убри иахҟьаны дара акәакь икҿарцалазшәа рхы рбоит. Аекспертцәа ишырҳәо ала, аусураҿы хышьҭыхха умамкәа ирацәаны аусутә анумоу, уи ацәеижьтәи аемоциатәи ааха узыннажьыр ауеит. Ицхраауазеи ауаҩы, шәгәаанагарала, аҭышәынтәалара аарԥшра? [Уазыӡырҩы аҭак.] Ишәсырбар сҭахуп Абиблиа аҟынтәи шәзырхәыцша жәеинраалак. [Уаԥхьа Екклезиаст 4:6.] Ари аброшиураҿы иаагоуп алабжьара бзиақәа ԥшьба, урҭ раԥхьа иргылатәу аусқәа ҳашрызхәыцша, насгьы ҳааԥсара ҳшаиааиша иҳацхраауеит».