Ухы иаурхәома апрограмма JW Library?

JW Library — ари хәыда-ԥсада иҟоу апрограммақәа ируакуп. Уи ала иулшоит ателефон, апланшет, насгьы акомпиутер ахь Абиблиа, аудионҵамҭақәа, авидеонҵамҭақәа, иара убас егьырҭ апубликациақәа рыхҩылаара.

УИ ШЫШЬАҚӘЫРГЫЛАТӘУ. Аинтернет уҭаланы, апрограммақәа раахәара ахьулшо аҟынтә ишьақәыргыл JW Library. Ари апрограмма уоур улшоит еиуеиԥшым ахархәагақәа рзы. JW Library аартны, иалх ихыуҩылаарц иуҭаху аматериал. Аинтернет аҩны иумамзар, иҟалап уи ыҟазар Аҳратә зал аҿы, абиблиотека, мамзаргьы акаҳуажәырҭаҿы. Апубликациақәа анхыуҩылаалак ашьҭахь, урҭ аинтернет анумамгьы иузаартуеит. Аха JW Library иану еснагь иахьдырҿыцуа азы, зны- зынла аматериал ҿыцқәа рыхҩылааразы аинтернет уҭаххоит.

ИАЛОУЗЕИ ХӘАРҬАС? JW Library абзоурала, даара имариоуп ахатә ҭҵаара амҩаԥгара. Уи адагьы, аизара анцо иҳалшоит еснагь иҳамазарц иаҳҭаху апубликациақәа. Иара убас уи ажәабжьҳәараҿы даара иҳахәоит, еиҳарак иформалтәым ажәабжьҳәара аан.