Аҵабырг дшәырҵала

Сентиабр амза инаркны аусуратә тетрад «Ҳаԥсҭазаареи ҳмаҵзуреи» аҿы иҟалоит «Аҵабырг дшәырҵала» захьӡу иҿыцу адгалара. Хықәкыс иҳамоу азҵаарақәеи ианаало абиблиатә жәеинраалеи ҳхы иархәаны, ауаҩы ихадоу абиблиатә ҵабыргқәа руак изеиҭаҳәара ауп.

Ҳзацәажәо ауаҩы аинтерес ааирԥшыр, аиҭанеиразы ашьаҭа шьҭаҳҵоит публикациак ааныжьны, мамзаргьы асаит jw.org. аҟынтә авидеонҵамҭа ирбаны. Ауаа рахь мышқәак рышьҭахь еиҭа анеира ҳҽазаҳшәалоит, ҳаицәажәара иацаҳҵарц азы. Адгалара ҿыцқәеи адҵақәеи шьаҭас ирымазаауеит ашәҟәы «Чему нас учит Библия?» (аԥсышәала иҭыжьӡам) ахқәа рынҵәамҭаҿы иаагоу аихшьала. Ари ашәҟәы «Иаҳнарҵаҵәҟьозеи Абиблиа?» аҭыжьымҭа ирмариоу вариантуп. «Иаҳнарҵаҵәҟьозеи Абиблиа?» аҿы иаагоуп инацҵоу аматериали ажәеинраалақәеи. Урҭ ҳацхраауеит аиҭанеира аҟаҵара, насгьы Абиблиа мацара ҳхы иархәаны абиблиатә ҵара амҩаԥгара.

Аԥсҭазаарахь уназго мҩа заҵәык ауп иҟоу (Матф. 7:13, 14). Ҳзацәажәо ауаа хылҵшьҭрала еиԥшым, насгьы еиуеиԥшым адинхаҵарақәа ныҟәыргоит аҟынтә, досу игәаҵанӡа инеиуа абиблиатә ҵабыргқәа ҳрылацәажәалар ауп (1 Тим. 2:4). Абиблиатә темақәа рылацәажәареи «аҵабырг ажәа» ииашаны ауаа рызнагареи еиӷьны иаҳҵацыԥхьаӡа, еиҳа агәырӷьара ҳауеит, насгьы егьырҭ қәҿиарала аҵабырг дҳарҵалоит (2 Тим. 2:15).