Иегова ишаҳаҭцәа Монровиа (Либериа) азааигәара ажәабжь рҳәоит

Аицәажәарақәа рыхкқәа

●○○ РАԤХЬАТӘИ АИЦӘАЖӘАРА

Азҵаара: Иаԥсоума иахьа Абиблиа иану ақәныҟәара?

Ажәеинраала: 2 Тим. 3:16

Анаҩстәи аан: Иарбан ихадоу темоу Абиблиаҿы иану?

○●○ АҨБАТӘИ АИЦӘАЖӘАРА

Азҵаара: Иарбан ихадоу темоу Абиблиаҿы иану?

Ажәеинраала: Матф. 6:10

Анаҩстәи аан: Иҟанаҵозеи Анцәа Иаҳра?

○○● АХԤАТӘИ АИЦӘАЖӘАРА

Азҵаара: Иҟанаҵозеи Анцәа Иаҳра?

Ажәеинраала: Дан. 2:44

Анаҩстәи аан: Ишԥаԥсахуеи ари Аҳра ауаа рыԥсҭазаара?

Ари амза инаркны аусуратә тетрад «Ҳаԥсҭазаареи ҳмаҵзуреи» аҿы х-дгаларак рҭыԥан иҟалоит еидҳәалоу аицәажәарақәа рыхкқәа хԥа. Урҭ зҵаарала ишьақәгылоуп, анаҩс иаагоуп абиблиатә жәеинраала, аҵыхәтәаны иаагоуп анаҩстәи аҭааразы азҵаара. Уажәшьҭа «Амаҵзураҿы иҳамоу аҟазара еиӷьаҳтәуеит» апункт аҿы есымчыбжьа видеонҵамҭак ауп иҟало. Ажәабжьҳәаҩцәа рхала иалырхуеит иарбан цхыраагӡоу рхы иадырхәо, насгьы ианадырхәо — раԥхьатәи аҭаара аан акәу, мамзаргьы аиҭанеираҿы. Аусуратә тетрад аҿы шьҭа аиҭанеирақәа ҩба ҟалоит. Уи зегьы ҳацхраауеит ҳмаҵзура иамоу ихадоу ахықәкы ҳхы азышьҭра — «наӡаӡатәи аԥсҭазаара иазыԥҵәоу» ауаа зегьы дырҵара (Аус. 13:48).

Адҵақәа. Егьырҭ амҩақәҵарақәа ыҟамзар, адҵақәа змоу рхы иадырхәалар ауп актәи адаҟьаҿы иаагоу аицәажәарақәа рыхкқәа.