Аицәажәарақәа рыхкқәа ҳхы ишаҳархәалаша

Аицәажәара ахкы ашьақәыргылара џьабаа ӷәӷәоуп. Аишьцәа ибзианы зегьы иазхәыцуеит. Ажәабжьҳәаҩцәа аӡәырҩы игәарҭеит аицәажәарақәа рыхкқәа ахәарҭа ду шаарго. Ҳәарада, аҭыԥқәа зегь еиԥшӡам. Убри аҟынтә ажәабжьҳәараҿы аишьцәеи аиҳәшьцәеи рызнеишьақәа рыԥсахлар рылшоит, насгьы дара ахьынхо аҭыԥ аҿы ауаа еиҳа зинтерес рымоу атемақәа ирылацәажәалар ауеит. Аха иҷыдоу акампаниақәа раан ҳара зегьы иҳарҭо анапхгара ҳақәныҟәалароуп. Ҳара хықәкыс иҳамоу Иисус иҳаиҭаз адҵа анагӡара ауп — Аҳра иазку ажәабжь бзиа ауаа рылаҳәара (Матфеи 24:14).

Арҵаратә дҵақәа раан ажәабжьҳәаҩцәа рхы иадырхәалароуп аусуратә тетрад «Ҳаԥсҭазаареи ҳмаҵзуреи» аҿы иану аицәажәарақәа рыхкқәа рҿы иаагоу атема. Аха (даҽа напхгарак ыҟамзар) дара аҭыԥантәи аҭагылазаашьа рҽақәыршәаны рхы иадырхәар рылшоит даҽа зҵаарак, даҽа библиатә жәеинраалак, даҽа ҭагылазаашьак, ма аицәажәара иацырҵарц азы даҽа зҵаарак. Арҭ аԥсахрақәа 2020 шықәса, ииун мзазы иҭыҵыз аусуратә тетрад 8-тәи адаҟьаҿы ианыз анапхгара аԥсахуеит.