Ҳхы ишԥаҳархәо аицәажәарақәа рыхкқәа

Ианвар 2018 шықәса инаркны аусуратә тетрад «Ҳқьырсиантә ԥсҭазаареи ҳмаҵзуреи» аҟны, актәи адаҟьаҿы аицәажәарақәа рыхкқәа ануп. Ҳхы ишԥаҳархәо урҭ?

Адҵақәа ҳаманы ҳанықәгыло. Ҳхы иаҳархәалароуп азҵаара, абиблиатә жәеинраала, насгьы аицәажәара ахкқәа рҿы иаагоу анаҩстәи аицәажәара иацызҵо азҵаара. Аха аицәажәара иазку авидеонҵамҭаҿы ишаагоу еиԥшҵәҟьа зегьы аҳәара аҭахӡам. Уара иалухыр улшоит даҽа ҭагылазаашьак, даҽа лагалажәак, убас ала аицәажәашьа даҽакала ашьақәыргылара. Иара убас, (адҵаҿы иарбамзаргьы) узацәажәо идугалар улшоит амаҵзуразы иҟоу аинструментқәа рҟынтә публикациак.

Амаҵзураҿы. Аицәажәарақәа рыхкқәа хықәкыс ирымоу — аицәажәара алагара уцхраара ауп. Ауаҩы аинтерес ааирԥшызар, насгьы еиҳаны аилкаара иҭахызар ҳара иҳалшоит иаҳҳәап, «Аҩбатәи аицәажәара» аҟынтә азҵаара иҭаны, ажәеинраала ҳахцәажәар. Иҟалап уара аицәажәара ахкы маҷк аԥсахра уҭаххар, ма зынӡа даҽа темак алухыр. Иҟалап иҳаҩсыз аҭыжьырҭақәа рҟынтә атетрадқәа рҿы ианыз библиатә жәеинраалак, ма темак ауаа еиҳа аинтерес рызцәырнагар? Мамзаргьы уҭыԥаҿы инхо ауаа ааигәа иҟалаз хҭыск, ма жәабжьк алацәажәара бзиа ирбозар? Ааи, аицәажәарақәа рыхкқәа еиуеиԥшым аметодқәа рыла ҳхы иаҳархәалар ҳалшоит. Зегь реиҳа ихадоу «ажәабжь бзиа» ауаа рылаҳәара ауп (1 Кор. 9:22, 23).