«Шәҷаԥшьала»

25:1—12

Иисус жәа-ҭыԥҳак ирызку ажәамаана Анцәа идоуҳала иалху ишьҭанеицәа ирзеиҭеиҳәеит, аха уи ақьырсианцәа зегьы иаҳнарҵо рацәоуп (bp156 13—17). «Шәҷаԥшьала, избанзар шәарҭ Ауаҩытәыҩса Иԥа данаауа амшгьы, асааҭгьы шәыздырӡом»,— иҳәеит Иисус (Матф. 25:13). Иулшома ари ажәамаана аҵакы ҳаилыркаара?

• Аԥҳәысҳәаҩ (ажә. 1): Иисус.

• Иҟәышу аҭыԥҳацәа (ажә. 2): ирыду адҵа анагӡара иазхиоу Анцәа идоуҳала иалху ақьырсианцәа; дара ари адунеи аҵыхәтәа ааиаанӡа лашарбагаҵас илашоит (Флп. 2:15).

• Абжьы: «Абар, аԥҳәысҳәаҩ даауеит!» (ажә. 6): Христос дшааз шьақәзырӷәӷәо адырга.

• Игаӡоу аҭыԥҳацәа (ажә. 8): Аԥҳәысҳәаҩ иԥыларц идәықәлаз, аха агәҽанызаареи азиашареи зцәыӡыз Анцәа идоуҳала иалху ақьырсианцәа.

• Иҟәышу аҭыԥҳацәа егьырҭ ахәша рыцеиҩшара мап ацәыркуеит (ажә. 9): Анцәа идоуҳала иалху ақьырсианцәа аҵыхәтәантәи амҳәыр анраархалахак ашьҭахь Анцәа изиашамхаз изрыцхрааӡом.

• «Аԥҳәысҳәаҩ дааит» (ажә. 10): Иисус ақәыӡбаразы даауеит арыцҳара ду аҵыхәтәахьы инеиаанӡа хәыҷык шагу.

• Иҟәышу аҭыԥҳацәа аԥҳәысҳәаҩ ицны ачарахь еицыҩналоит, ашәқәагьы акуеит (ажә. 10): Иисус Анцәа идоуҳала иалху ишьҭанеицәа ажәҩан аҿы еизигоит, азиашара ззымыхьчаз жәҩантәи рҳамҭа рцәыӡуеит.