Иисус ишьҭа ухыланы уцала

Иисус ҳара ҳзы дҿырԥшуп ауадаҩрақәеи ашьҭашәарыцарақәеи рыхгараҿы (1 Пиотр 2:21—23). Иара дладырҟәуан, аха ахаан аҭак ҟаиҵомызт, уи ахгара даараӡа ишицәыцәгьазгьы (Марк 15:29—32). Ицхраауази Иисус уи ахгара? Иара ӷәӷәала дазхиан Иегова игәҭакы анагӡара (Иоанн 6:38). Иара убас «иаҭәаз агәырӷьара» еснагь илаԥш ахын (Аур. 12:2).

Ҳхы шԥамҩаԥаҳго ҳагәрахаҵаразы ианҳашьҭашәарыцо? Ииашаҵәҟьоу ақьырсианцәа ацәгьара рзызуа цәгьарала аҭак ирҭаӡом (Рим. 12:14, 17). Ауадаҩрақәа ҳанрықәшәо Христос ҳаиҿыԥшуазар, уи агәырӷьара ҳзаанагоит, избанзар Анцәа даҳзыразхоит (Матф. 5:10—12; 1 Пиотр 4:12—14).

УАХӘАԤШ АВИДЕОНҴАМҬА «ИЕГОВА ИХЬӠ ЗЕГЬЫ ИРЕИҲАУП», АНАҨС АБАРҬ АЗҴААРАҚӘА РҬАК ҞАҴА:

• Илыцхраазеи аиаҳәшьа Пиотцингерa абахҭа лхала дахьҭакыз ахгара?

• Изықәшәазеи аиашьеи аиаҳәшьеи Пиотцингер аконцентрационтә лагерқәа рҿы?

• Ирыцхраазеи уи зегь ахгара?