Амаҵзураҿы иҳамоу аҟазара еиӷьаҳтәуеит. Алҵшәа змам абиблиатә ҵарақәа рымҩаԥгара ҳаҟәыҵуеит

УИ ЗХАДОУ Ауаа еиқәхарц азы Иегова ихьӡ рҳәалароу (Рим. 10:13, 14). Аха Абиблиа зҵо рҟынтә шьоукы, иара инормақәа рыла анхара агәаҳәара рымаӡам. Ҳара амаҵзура иазаҳкуа ҳаамҭа ахә ҳаракны иаҳшьоит, насгьы Иегова бзиа дахьырбо азы зыԥсҭазаара аԥсахра иазхиоу рыцхраара ҳҭахуп. Аамҭак ашьҭахь Абиблиа зҵо ауаҩы аԥсахрақәа ҟаимҵазар, иҟәыӷарахоит Иегова ихаҭа иахь, насгьы иорганизациа ахь иааиԥхьо егьырҭ ауаа рыцхраара умчқәа рзукыр (Иоанн 6:44). Ҳәарада, ԥыҭрак ашьҭахь игәаҳҭар Абиблиа зҳарҵоз ауаҩы наӡаӡатәи аԥсҭазаарахь уназго аҵабырг аилкаара шиҭаху, ҳара гәахәарыла абиблиатә ҵара дырҩегь изымҩаԥаҳгалоит (Аус. 13:48).

УИ ШЫҞАҴАТӘУ

• Абиблиа зҵо ауаҩы ииашаҵәҟьоу адырра аилкаара ахьиҭаху азы дырҽхәала (1 Тим. 2:4).

• Абиблиа аҟынтә адыррақәа рықәныҟәара шхадоу инаҵшьны иазгәаҭала (Лука 6:46—49).

• Қьиарыла уахцәажәа ажәлаҟьаҩ изку аҿырԥштәы, насгьы уиазҵаа доуҳала аизҳара иԥырхагоу (Матф. 13:18—23).

• Ҳаҭырбарала изеиҭаҳәа абиблиатә ҵара амҩаԥгара узаҟәыҵуа.

• Аамҭа-аамҭала аҭел ушизасло иаҳәа, насгьы иаҭаху аԥсахрақәа ҟаиҵар, ианиҭаху аамҭазы дырҩегь Абиблиа аҵара шәеиҭалагар шшәылшо агәра ирга.

УАХӘАԤШ АВИДЕОНҴАМҬА «АЛҴШӘА ЗМАМ АБИБЛИАТӘ ҴАРАҚӘА ААНҲАЖЬУЕИТ», НАС АНАҨСТӘИ АЗҴААРАҚӘА РҬАК ҞАҴА:

• Иалукаар улшозеи ухазы доуҳала иззымҳауа Абиблиа зҵо ауаҩы уаниацәажәалак ашьҭахь?

• Ишԥаиеилиркааи аиашьа Абиблиа зҵо ауаҩы аԥсахрақәа рыҟаҵара шаҭаху?

• Ишԥаиеилиркааи аиашьа Абиблиа зҵо ауаҩы, уи аҵара аԥхьаҟа дырҩегь иалагар шрылшо?