Арԥарцәеи аҭыԥҳацәеи аус бзиақәа рахь агәацԥыҳәара аашәырԥшла!

Анцәа идоуҳала апостол Павел Тит иахь ииҩыз асаламшәҟәаҿы ианиҵеит, иқәыԥшу аишьцәа, Титгьы уахь дналаҵаны, рҽазыршәалар шхадоу аус бзиақәа рыҟаҵараҿы зегь рыла иҿырԥшыганы иҟазарц (Тит 2:6, 7). Уи асаламшәҟәаҿы Павел иҳәоит, Иегова имаҵзуҩцәа ширыцқьаз, аус бзиақәа рыҟаҵара иазхиоу ажәлар реиԥш (Тит 2:14). Урҭ аус бзиақәа рахь иаҵанакуеит Аҳра иазку ажәабжь аиҭаҳәара, насгьы аҵаҩцәа разыҟаҵара. Уара уқәыԥшзар, иулшома умчи улшареи ухы иаурхәар апионертә маҵзура ахкқәа руак аҽалархәразы? (Ажәам. 20:29).

Уара пионерс амаҵ аура уҭахызар, уи ахықәкы анагӡаразы аплан шьақәыргыл (Лука 14:28—30). Уазхәыц, насгьы ианҵа уаамҭа зегь амаҵзура ианазукуа аан ухы зланыҟәугало, насгьы уи амаҵзура иазалху асааҭқәа шынаугӡало. Иегова ацхырааразы уиҳәала (Аԥсал. 37:5). Идырба ишьақәургылаз аплан уҭаацәеи, насгьы акыршықәса пионерс амаҵ зуеи. Анаҩс ухықәкы анагӡара уалага. Иегова хымԥада дырзылԥхоит еиҳаны имаҵ ауразы иҟауҵо аҽазышәарақәа!

УАХӘАԤШ АВИДЕОНҴАМҬА «АҾАР ИЕГОВА ДҲАРАРКУЕИТ» АНАҨС АБАРҬ АЗҴААРАҚӘА РҬАК ҞАҴА:

• Иарбан уадаҩрақәоу аӡәырҩы аишьцәеи аиаҳәшьцәеи апионертә маҵзура ианалагоз ирымаз? Ирыцхраазеи урҭ?

• Ишԥарылшо аҭаацәа рхәыҷқәа апионертә маҵзура алагара ирыцхраар?

• Избан изхадоу амаҵзура аихшанҵа ашьақәыргылара?

• Ишԥарылшо аизараҿы аишьцәеи аиаҳәшьцәеи апионер игәы ашьҭыхреи ицхраареи?

• Дышԥарзылԥхо Иегова апионерцәа?