АҚЬЫРСИАНТӘ ԤСҬАЗААРА
Ҳара Иегова иааӡаратә методқәа ҳанрықәныҟәо, абзиабара ааҳарԥшуеит
Зыгәнаҳа иахьымхәыз агәнаҳаҟаҵаҩцәа аизара ралцара — уи егьырҭ ақьырсианцәа ахьчоит, насгьы агәнаҳа ҟазҵаз рзгьы ааӡаратә методуп (1 Кор. 5:6, 11). Ари азҵаараҿы Иегова изыӡырҩра ҳабзиабара аанарԥшуеит. Ишԥаанарԥшуеи уи абзиабара, аизара алцара азҵаара (ауаҩы иуацәеи, аӡбаратә комитет иалахәу аизара аиҳабацәеи) абриаҟара ахьаа рзаанагозар?
Зегь раԥхьа иргыланы ҳара абзиабара ааҳарԥшуеит Иеговеи иара иԥшьоу инормақәеи рахь, избанзар ихьыӡ ишахцәажәо ҳара ҳзы ихадоуп (1 Пиотр 1:14—16). Иара убас аизара иалцоу иахьгьы абзиабара ааҳарԥшуеит. Ари аҩыза ахьырхәра ахьаа узаанагозаргьы, анаҩс алҵшәа бзиа аанагоит (Аур. 12:5, 6, 11). Ҳара аизара иалцоу, ма аизара мап ацәызкыз ҳрацәажәозар, усҟан Иегова ҳаиԥырхагахоит уи ауаҩы иааӡара. Ишәхашәмыршҭын, Иегова имаҵзуҩцәа ишахәҭоу еиԥш ауп ишахьирхәуа (Иер. 30:11). Шәааи, Иегова иааӡаратә методқәа ҳрықәныҟәалап, насгьы доуҳала ҳаӷәӷәаны ҳаанхалап. Иара убри аамҭазы, ҳара ҳазыԥшызаауеит аизара иалцоу иҳалалу Ҳаб иахь дырҩегь дшыхынҳәуа (Исаиа 1:16—18; 55:7).
УАХӘАԤШ АВИДЕОНҴАМҬА «ГӘЫК-ԤСЫКАЛА АЗИАШАРА ҲАХЬЧОИТ», АНАҨС ҴАҞА ИААГОУ АЗҴААРАҚӘА РҬАК ҞАҴА:
Иарбан цәаныррақәоу ирызцәырҵуа ақьырсиантә ҭаацәарақәа рхәыҷы Иегова данаанижьлак?
Ишԥарылшо аизара, уаҳа Иегова ишаҳаҭым аҭынха дызмоу ақьырсианцәа рыцхраара?
Иарбан библиатә хҭысу иаҳзырбо Иегова иахь ҳазиашара ҳҭынхацәа рахь азиашара аасҭа еиҳазар шахәҭоу?
Излоубарҭахозеи Иегова иахь азиашара ҳара ҳзы еиҳа ишхадоу, ҳҭынхацәа рахь иҳамоу ацәаныррақәа раасҭа?