Аҭаацәа, шәхәыҷқәа адыррақәа рышәҭала!

Ҳара ҳанхоит абзиара цәгьараны, ацәгьара бзиараны иахьырыԥхьаӡо адунеи аҿы (Ис. 5:20). Ауаа Иегова ицәымӷу аусқәа ҟарҵоит. Иаҳҳәап, аӡӷабцәа шьоукы аромантикатә еизыҟазаашьақәа еиздырҳауеит аӡӷабцәа рахь, аҷкәынцәагьы убас. Ҳхәыҷқәа ашкол аҿы рықәлацәа, ма еицырдыруа ауаа иреиԥшхарц агәазыҳәара роур рылшоит. Аҭаацәа, ишԥашәылшо шәхәыҷқәа ус еиԥш иҟоу ауадаҩрақәа риааира рыцхраара?

Шәхәыҷқәа Иегова инормақәа реилшәыркаала (Алев. 18:3). Шәхәыҷы изеиҭашәҳәала ацәеижьтә еизааигәахара иазкны Абиблиа иану, аха ахәыҷы иқәрагьы шәазхәыцла (Ҩынтә. 6:7). Шәхы шәазҵаа: «Идыруама схәыҷы иарбан цәаныррақәоу иаарԥшлатәым? Еиликаауама иара иӡыргацәамкәа аҽеилаҳәара зхадоу, насгьы иҽаникәабо, иҽанеилаиҳәо-иҽанеилихуа, даныцәо, ма даҽа ҭагылазаашьак аҿы илакьысра аӡәгьы азин шимам? Идыруама схәыҷы ихы шымҩаԥигаша аӡәы апорнографиа иирбозар, ма Иегова игәамԥхо акы аҟаҵара диҳәозар?» Ари аҩыза ааӡара шәхәыҷы ашәарҭарақәа рҟынтә дахьчоит (Ажәам. 27:12; Еккл. 7:12). Аҭаацәа, ахәыҷқәа Иегова ишәиҭаз ҳамҭоуп. Урҭ бзианы ианышәааӡо, Иегова иҳамҭа ахә ҳаракны ишышәшьо аашәырԥшуеит (Аԥсал. 127:3).

УАХӘАԤШ АВИДЕОНҴАМҬА «АХААН ИХЫМБГАЛО АҨНЫ ШӘЫРГЫЛАЛА. ШӘХӘЫҶҚӘА ШӘЫХЬЧАЛА», АНАҨС ҴАҞА ИААГОУ АЗҴААРАҚӘА РҬАК ҞАҴА:

• 

  Избан аҭаацәа шьоукы рхәыҷқәа ацәеижьтә еизааигәахара иазкны рацәажәара изацәыԥхашьо?

• 

  Избан аҭаацәа рхәыҷқәа «Иҳақәиҭу игәаҳәаратә реилыркаауа» рааӡара зрыхәҭоу? (Еф. 6:4).

• 

  Иарбан информациоу Иегова иорганизациа иҳанаҭо, аҭаацәа рхәыҷқәа ацәеижьтә еизааигәахара иазкны рацәажәара ирыцхраауа? (w19.05 12, арамка)

• Избан ҳхәыҷқәа ауадаҩра рызцәырҵаанӡа заа рацәажәара зҳахәҭоу?