АҚЬЫРСИАНТӘ ԤСҬАЗААРА
Иҿыцу арҵаратә мыругақәа ухы иархәала!
Ҳара даара ҳаигәырӷьоит абиблиатә ҵара амҩаԥгаразы иҿыцу аброшиуреи ашәҟәи ахьҳауз. Ҳара Иегова ҳиҳәоит еиҳа ирацәаҩны аҵаҩцәа разыҟаҵара дҳацхраарц (Матф. 28:18—20; 1 Кор. 3:6—9). Ҳхы иаҳархәалар шԥаҳалшо иҿыцу арҭ амыругақәа?
Ашәҟәы «Радуйтесь жизни сейчас и вечно!» арҵараҿы иҿыцу азнеишьа ҳаднагалоит. Аурокқәа зегьы уҽырзыҟаҵала. Абиблиатә ҵарақәа анымҩаԥугало анаҩстәи ашьаҿақәа урықәныҟәалаa.
Абиблиа зурҵои уареи аматериал шәеицаԥхьа, насгьы азҵаарақәа ицеилырга.
«Прочитайте» ҳәа ахьану ажәеинраалақәа еиҳараӡак урзааҭгыл. Абиблиа зурҵо иеилыркаа урҭ ажәеинраалақәеи еилшәырго атемеи шеидҳәалоу.
Абиблиа зурҵои уареи авидеонҵамҭақәа зегьы шәеицрыхәаԥш. Иаагоу азҵаарақәа ухы иархәаны урҭ урыхцәажәа.
Урокк знык ала еилыргала.
Ажәабжьҳәараҿы ауаҩы раԥхьа аброшиура идгал, аинтерес имоу имаму аилкааразы. (Уахәаԥш арамка «Раԥхьатәи аицәажәараан аброшиура „Радуйтесь жизни сейчас и вечно!“ ауаҩы ишидгалатәу».) Аброшиураҿы иаагоу аурокқәа зегь еилшәыргазар, насгьы ауаҩы абиблиатә ҵара иациҵар иҭахызар, ашәҟәы идгаланы аԥшьбатәи аурок аҟынтә арҵара иацҵа. Уара ашәҟәы «Иаҳнарҵозеи Абиблиа?», ма «Анцәа ибзиабара» ала аӡәы Абиблиа иурҵозар, ашәҟәы «Радуйтесь жизни сейчас и вечно!» ахь уиас. Узлалагаша аурок ухаҭа иуӡбар улшоит.
УАХӘАԤШ АВИДЕОНҴАМҬА «ШӘААҲАԤХЬОИТ АБИБЛИА АҴАРАХЬЫ!», АНАҨС ҴАҞА ИААГОУ АЗҴААРАҚӘА РҬАК ҞАҴА:
Еиликаауазеи Абиблиа зҵо ауаҩы ари абиблиатә курс аҟынтә?
Избан ари авидеонҵамҭа Абиблиа зурҵало иурбар зхадоу?
Иарбан хықәкқәоу Абиблиа зҳарҵо иқәиргылаларц игәазҭаҳҵалар ҳахәҭоу? (Уахәаԥш ад. 16 иану атаблица «Цели и задачи каждого раздела».)
a АЗГӘАҬА. Арамка «Дополнительно» аҿы иану аинформациа абиблиатә ҵараан еилумыргар шалшогьы, абиблиатә ҵара уҽаназыҟауҵо астатиақәа зегь урыԥхьа, насгьы авидеонҵамҭақәа зегьы урыхәаԥш. Убасҟан Абиблиа зурҵо еиҳараӡак ахәарҭа изаазго алукаар улшоит. Ашәҟәы аелектронтә версиа аҿы урҭ аматериалқәа зегь рахь азхьарԥшқәа аагоуп.
АҞӘШАҚӘА ХЫҚӘКЫС ИРЫМОУ |
|||
|---|---|---|---|
АУРОКҚӘА |
АБИБЛИА ЗҴО ИЗЫ АХЫҚӘКҚӘА |
АБИБЛИА АҴАРА МҨАԤЫЗГО ИЗЫ АХЫҚӘКҚӘА |
|
1 |
01-12 |
Абиблиа зхәарҭоу, насгьы уи Автор ишиабадыртәу аилкаара. |
Абиблиа зурҵо Абиблиа даԥхьаларц, Абиблиа аҵара иҽазыҟаиҵаларц, насгьы аизарақәа дырҭааларц игәазҭаҵала. |
2 |
13-33 |
Анцәа ҳара ҳзы иҟаиҵаз, насгьы уи ииашаны ишимҵахырхәалатәу аилкаара. |
Абиблиа зурҵо еиликааз егьырҭ ирзеиҭеиҳәаларц, насгьы жәабжьҳәаҩны дҟаларц игәазҭаҵала. |
3 |
34-47 |
Анцәа имаҵзуҩцәа рҟынтә дыззыԥшу аилкаара. |
Абиблиа зурҵо иԥсҭазаара Иегова изикырц, насгьы иҽӡааихырц игәазҭаҵала. |
4 |
48-60 |
Анцәа ибзиабараҿы аанхара шҳалшо аилкаара. |
Абиблиа зурҵо ацәгьеи абзиеи реиҩдыраашьа, насгьы доуҳала аизҳара уицхраала. |