Аҟәыӷара ахә зыҳараку

Соломон Иегова аҟәыӷара ииҭарц диҳәон (1 Аҳ. 3:7—9; w11-U 15/12 8, абз. 4—6).

Иегова Соломон иҳәара игәаԥхеит (1 Аҳ. 3:10—13).

Соломон Иегова ииҭоз аҟәыӷара ихы иаирхәон, убри аҟынтә ажәлар ҭынч инхон (1 Аҳ. 4:25).

Иҟәыӷоу ауаҩы — уи адыррақәа змоу, акреилызкаауа, насгьы иидыруа зхы иазырхәо иоуп. Аҟәыӷара ахьы аасҭа акырӡа ахә ҳаракуп (Ажәам. 16:16). Аҟәыӷара еизурҳарц азы, уи Анцәа иуиҭарц уиҳәалароуп, иара иҿаԥхьа апатуқәҵара зныԥшуа ашәара еизурҳалароуп, аԥагьара уламзароуп, ахӡырымгара улазароуп, насгьы иара Иажәа, Абиблиа, инҭырҳәыцааны иҭуҵаалароуп.