Ọghaaph Ookaragh Ẹkpigh Phọ 9

Ẹkpigh phọ ẹphen phọ kịtughemhi iyira ịlo ịḍoogh, riil ḅịlhe r’aruwo ẹmha dị oḍeenhaan omheeraam dị aḍighan elhegh esi a Jehova. Ẹpe eelhe a Siria, ọbam ọnyanhi ọlo Izrẹl ạmhoogh ni omheeraam mọ oyil a Jehova katue ni aakonhom Nemạn. Oyil phọ Ẹlạịsạ akuphom owol mọ a Jehova kakoph ni nyọdi ạsighe ḍịghaagh awe ẹgham a Siria dị oru osiph ọdi. Uwo ẹmhu ạbupinyon rịkia phọ Jehoạịdạ ạlhogh ni ghuḍum ọdi esi ooto r’osooromhinheen oghoph a Jehoạs ọsighe ḍịghaagh ogbogh onhiin ọdi, Ạtạlạyạ. Uwo ẹmha phọ ạ Hẹzẹkạyạ aḍuomolhoghi mọ a Jehova kạpel li Jeruselem. Kụ ómheera mọ ịpe awe phọ Asiria ọghaaph bọ ẹngo nyọdi oghiilaan. Uwo ẹmha phọ Josạyạ aphiemhi ni ịiḅereghi ịkaanheen ạrumhugh sịphe Jeruselem kụ ạḅilhe aḅulhemhi igey iiseeny.