Nạ Aakolhobian Ni?

Iyaạr dị olhoghi u/seere kụ emite nyiidiphọ, kesighẹ ni nyinhạ ekperenhom ḍughụm? Ophiigha ade, ogbagarạ oghim, onuzạ, ḅilhẹ r’aḍigho resighẹ ghan ni we ekperenhom kephiemhi raraạr. Oḅarạm isiẹn, iinhian, iikonhoghiạn, ḅilhẹ r’areezẹgh remite ghan kẹn ni rikpisi dị olhoghi u/seere. (Ec 9:11) Yira k/uutughiạn ghan mọ ke/tue emite ekpisi ayira.

Ewạ mọ torobọ oye aḍighi iyaạr amiteom ookolhobian okori idọ asimem mọ iphẹn phọ. (Pr 22:3) Ookpomhoghan phọ aZihova ramiteom ghan ni olhoghonhaạn aḍighaạgh simem iiḅaghamhị, ghalhamọ r’iduọn phọ ni, yira k’umhoọgh dool ookolhobian araraạr orolhọm amem iiḅaghamhị.—Gal 6:5.

IPOGH VIDIO PHỌ NẠ AAKOLHOBIAN NI RAKORI ILỌ ARARAẠR DỊ OLHOGHI U/SEERE? KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ika kụ idị omhoọgh igey asiya r’aZihova kilhoghonhaạn iyira ḍighaạgh mem dị iyaạr dị olhoghi u/seere emite?

• 

  Eeghe kụ iḍighi kụ emhạn bọ maạr . . .

  • • oghaaphạn ghan ikumor awe phọ mem dị iiḅaghamhị k/emite, mem dị memite, ḅilhẹ r’amem dị meten?

  • • ookolhobian okuru araraạr orolhọm amem iiḅaghamhị?—g17.5 6

  • • olhegheri odọ iiḅaghamhị dị remite ghan ekpisi ayira ḅilhẹ r’ilọ oḍighi kụ okpetenhaan?

• 

  Ighẹn iraạr areten kụ edị yira kotue ologhonhaạn ḍighaạgh bunhọn dị osoman iiḅaghamhị dị olhoghi u/seere?