SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Teẹny Ekpom Mọ
Onhaghanhạn ghan Enhaạn reḍuạ ghan k’ekpom. (Pr 3:1) Esi iduọn phọ, mem dị yira rotughemhị we, okparaghạ ghan oteẹny ekpom mọ. Ika?
Ka/tughemhị bidị igey aBaibul phọ bịn, kuolọ loghonhaạn bidị ḍighaạgh omhiịn idị ipẹ phọ egbolhomaam bidị r’asiya phọ abidị r’aZihova. Ḅilhẹ kẹn, loghonhaạn bidị ḍighaạgh omhiịn idị asiigbu phọ Enhaạn egananamhi ephomhoghiạn phọ, enhighẹ phọ, ḅilhẹ r’elhiom ooruẹn phọ Enhaạn. R’amagheel, puru sipuru dị keloghonhaạn nyodị ḍighaạgh ootughiạn ipẹ odị ratuughạ bọ. Ḍighi idị odị kamiịn suọ dị odi owilhẹ ikarạph araagharạ. Mem dị nạ amhiịn dị opọ nạ ratughemhị bọ aphomhoghiạn aZihova k’ekpom, ibo phọ anạ kebụgh ni.
IPOGH VIDIO PHỌ MOỌGH AANI IBO OḌIGHI AWE BUMATUẠN—TOPHOMHI SIGHALHANYẠ PHỌ ANẠ—OTEẸNY EKPOM MỌ, KỤ EPHANYANHAẠN SIPURU PHỌ EDAPHẠN BỌ SIẸN:
Uḍighi ika kụ aNeeta apuru bọ Jade mọ: “Nạ uwạ ni mem aatughiạn ipẹ yira oghaạph bọ Mondị phọ?”
ANeeta alhoghonhaạn ika ḍighaạgh Jade omhiịn idị asiigbu aBaibul phọ eḍeenhaan ephomhoghiạn phọ aZihova?
Eḍighi maạr dị yira oteẹny ekpom opọ yira rotughemhị bọ, keloghonhaạn nyodị ḍighaạgh oḍuraan otuman aZihova
ANeeta alhoghonhaạn ika ḍighaạgh Jade oḍeenhaan mọ odị apomhoghiạn ni Enhaạn?