Ilọ Otuughạ

Sọn Raraạr Ophoor Otuughạ

Yira u/kạr umoọgh muboom amem osighẹ ophamhạm ituughạ ogina ayira. Esi iduọn phọ, ika kụ edị yira kotue oḍighinhom moọny amem mọ yira omhoọgh bọ r’osụ-olhoghi? Eḅẹl phọ, lọgh mem siphẹ ituughạ phọ anạ. Yira komoọgh ghụn suọ mem dị yira omhiigha loor otuughạ iphurukpu araraạr kparipẹ r’oogboronhom aạl ibadị araraạr.

Pighi iniin asiigbu. (Efẹ. 5:15, 16) Ooḅeghiọn iniin asiigbu phọ iphẹn phọ:

• Bạl ghan Baibul phọ torobọ aḍio. (Ps. 1:2) Yira otue ni omiighom edeọm ibạl aBaibul ituughạ ogboku awiki phọ ayira.

• Kookolhobian Ituughạ Otu Okoriom mọ r’ituughạ ogboku awiki phọ. Maạr aakolhobian pidị nạ arue aphagharanhaạn aani.—Ps. 22:22.

• Nạ atue kẹn ni amiteom mem aạl oḅilhẹ ophogh inhọn ariiḍien aruwaloor, idiphọ arinyạ phọ yira roḍighinhom ghan bọ epẹ erugh phọ, sividio, ḅilhẹ r’araraạr dị omiteghom siphẹ jw.org.

• Selẹ emhuoghaạph dị nạ katuughạ. Nạ katue ni awaaghị raraạr dị egbolhomaam ipaanhaạn dị nạ asoman, ḍipuru dị nạ amhoọgh, obobọ iyaạr dị aBaibul phọ aghaạph dị nạ u/kạr unaghanhạn. Orue omhiịn olhoghonhaạn aḍighaạgh ilọ oḍighi iphẹn phọ pọ kiạ siphẹ jw.org kụ aaḅeghiọn ekpịgh phọ eḅẹm bọ mọ “Bible Study Activities.”