Anhiạn Kụ Akạr Bọ Aḍiemiom Aḅirini Phọ?

IDỊ ABAIBUL PHỌ AḄẸM

“Eru kụ retooghị raraạr kengọ . . . aḅirini phọ.”—1 Jọn 5:19. “Ophiemi iiḍighi phọ eru kụ emụ idị Oọny phọ Enaạn atuạn bọ aru.” —1 Jọn 3:8, Ooḅi Oghaạph.

ASUỌ DỊ OMEERAAM IPẸ PHỌ KENGỌ NYINẠ

Olhegheri iyaạr phọ eḍighi bọ kụ iiḅaghamị phọ edi bọ aḅirini phọ.—Ogananami 12:12.

Ephigh otuạn omeeraam mọ aḅirini phọ ayira kanmia ni anighẹ.—1 Jọn 2:17.

YIRA KOTUE NI OKẠR OMEERAAM IPẸ ABAIBUL PHỌ RAKAẠPH BỌ?

Ii, eghom ephughạn pọ esi iraạr ariphigh:

• Itooghị phọ aSetan kopiemi ni. AJihova asopha ni osiemi eekuna itooghị phọ aSetan ratooghị bọ kaphoghomiom omạr-awe. Odị aguanaan ni “ophiemi Eru phọ,” ḅilẹ r’ooḍighion oomo araraạr phọ aSetan maphueghị bọ.—Hibru 2:14, New World Translation.

• Enaạn masaḅạr Jizọs Kraist odạ aḅirini phọ. AJizọs agbatanaạn ni bịn amadạn odaạm aḅirini phọ anyiidiphọ, opọ aḍighi bọ oye igbagbaar r’owạ imạ ilọ aloor phọ. Idị egbolomaam dọl aruw-emạ phọ aJizọs, Enaạn aguanaan mọ: “Odị kanmaanaạn ni ighirigiir nyopọ asoorom bọ r’uwo-ekulom mọ . . . odị katagharạn ni ghuḍum mọ abidị asighẹ esi ikpuuroghọm r’igamaniạn.”—Asuọr phọ 72:13, 14.

• Enaạn ka/tue agbạ okpẹ. ABaibul phọ agbononomi ni akaạph mọ: “Enaạn iyira okpẹ ki/gbaạm.” (Hibru 6:18) AJihova kụ maguanaan iyaạr, pọ enighẹ oḅẹm mọ m’aḍighi ni! (Aizayạ 55:10, 11) ‘Odaạm aḅirini phọ ophọn phọ kosighẹ ni otoph.’—Jọn 12:31.