Buphẹ Momuughu bọ Kokạr ri Oḅilẹ Otọl?

IDỊ ABAIBUL PHỌ AḄẸM

“Oḅetenu esi aḍuugh katọl li.” —Iiḍighi 24:15, New World Translation.

ASUỌ DỊ OMEERAAM IPẸ PHỌ KENGỌ NYINẠ

Iidereghị mem dị abuọ ephomoghiạn anạ omugh.—2 Korịnt 1:3, 4.

Okpetenaan esi oghiilaan aḍuugh.—Hibru 2:15.

Okạr oḍuom ologhi oḅilẹ ooḅughanaan r’abuọ ephomoghiạn anạ dị momugh.—Jọn 5:28, 29.

YIRA KOTUE NI OKẠR OMEERAAM IPẸ ABAIBUL PHỌ RAKAẠPH BỌ?

Ii, eghom ephughạn pọ esi iraạr ariphigh:

• Enaạn kụ Olemiạ aghuḍum. ABaibul phọ akol aJihova Enaạn phọ mọ “azin aghuḍum.” (Asuọr phọ 36:9; Iiḍighi 17:24, 25) Opọ angọ bọ ghuḍum oomo olhẹm dị edi repooghu okạr agey katue ni aaḅulemi ghuḍum angọ oye dị mamugh.

• Enaạn meḅerion ghan ni we mem dị meten. ABaibul phọ akaạph ni esi ophaanyạ amem ilọ awe—bubạm, bukumoor, lhephiri, ḅilẹ r’anmariịr—dị oḅilẹ oḅulemi ghuḍum ongọ siẹn ade phọ. Abuniin umugh ni oọny ekulha amem bịn, kuolọ oniin arọl li ologhi oḍi esi inya aḍughul-otu!—Jọn 11:39-44.

• Enaạn rawạ ni oḅilẹ oḍighi. AJihova alọgh ni ḍien ḍuugh; odị asighẹ ḍuugh idiphọ amulọgh ḍien. (1 Korịnt 15:26) Odị amoọgh ni “eephuọm” okpạr opu amulọgh ḍien phọ opọ phọ, ophiemi aḍuugh dị eego esi oḅerion abuphẹ momuughu bọ. Repụ ni nyodị ooḅulemi awe phọ abuphẹ odi bọ siphẹ iitughiạn phọ odị omiịn mọ bidị oḅilẹ ni otọl siẹn ade phọ.—Job 14:14, 15.