Ọghaaph Ookaragh Ẹkpigh Phọ 10

A Jehova kụ Uwo ẹmha dị apelheghiom. Ọdi ạmoogh ịikpo ọoḅaki oomo ạraraar, kụ oye ólho dị katue akikima nyọdi. Esi ọmaam, ọdi ạphel li a Jerimạyạ ạsighe ghuḍia dị oroph osumeeny. A Jehova ạphel kẹn ni Sedạrạk, Misạk, rạ Ạbẹdnigo ạsighe olhoghi ạnian dị osumeeny. Ọdi ạḅilhe ni ạphel Dạnịẹl ạsighe sịphe ooni idimini ḅụagu phọ. A Jehova aghoph ni Ẹstạ pịdi atue ạpel we phọ ọdi. Kụ a Jehova kámeera mọ ẹkaraph eḍighinhom ịyaar ẹrol sịen ade phọ k’agee-pọ. Ịmiin phọ ạ Dạnịẹl ịlo igbogh igbudu phọ r’oreeny phọ aphoph bọ apelheghiom eḍeenhaan mọ ịtooghi phọ a Jehova mọony amem kẹsighe ẹkaraph eḍighinhom ịyaar sịen ade phọ kụ ẹtooghi k’agee-pọ.