Moọr Suọr Aboomiom AJihova

APọl r’aSailạs uboomiom aJihova r’asuọr mem mọ orọl bọ otu ikoli phọ. (Iiḍ 16:25) Okạr agey, asuọr phọ ikparamị ni bidị. K’okaạph ika ilọ ayira rodon? Asuọr phọ yira romoọr ghan bọ mem dị yira oghị ituughạ r’ipẹ abrodkastịn phọ rikparamị ghan ni iyira, keḅilẹ elhọgh ḍighaạgh ophamanạm omeeraam mọ ayira mem odẹgh ophogh. Idị epelom siẹn, rekueni ghan aJihova. (Ps 28:7) Oḍighom mọ muḅenị ni iyira m’otuughạ omoọr asuọr phọ ayira dị esi u/pogh. Nạ m’arue ni aḍighi iduọn phọ? Yira kotue ni osighẹ mem iiseeny eghun-otu phọ otuughaạm suọr phọ orue omoọr dị esi u/pogh.

POGH VIDIO PHỌ IBẠM ANMỤNY PHỌ R’OOSEENY GHAN NI AJIHOVA ESI OMHOỌR ASUỌR, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Eeghe imạ etirom kụ edị omoọr ghan asuọr Omhạr phọ k’emoọgh esi ayira?

• 

  Ekpịgh oḍighi Audio/Vidio phọ rookolobian ghan ika osighẹ aroḍọgh awe lọ komoọr suọr?

• 

  Ibạm-anmụny r’arughun-otu abidị rookolobian ghan ika, kụ ogbi oghị omoọr asuọr phọ?

• 

  Ighẹn asuọr Omhạr phọ kụ ikạr eḅeraạn nyinạ, kụ eeghe kụ iḍighi?