Ilọ Otuughạ

Tuughạ amhaạr suọr aruwaloor phọ dị esi nạ ka/pogh

“Mem dị mị amhoọgh beeph olhoghi, aZihova rukparamhị ghan imhị dị eego esi asuọr aJW Broadcasting^® phọ.”—Lorraine, U.S.A.

K’amem oḅẹl okuron asiạ aKristẹn phọ, asuọr aruwaloor phọ iḍighom aani ni siphẹ apakirị iiseeny phọ rongọ ghan bọ aZihova. (Kọl. 3:16) Nạ atuughạ suọr phọ iphẹn phọ k’ekpom, bidị ketue ni elhoghonhaạn nyinhạ ḍighaạgh ghalhamọ r’amem dị nạ u/tue uteẹny ḍinyạ asuọr phọ obobọ u/moọgh mun fon. Kparaghạ adaphạn reten phọ komaaghị bọ siẹn phọ bịn nạ katue ghan ni amoọr dị esi nạ u/pogh.

• Miigha loor aạl ikpo onhụ asuọr phọ anhaghanhạn. Kedughanhaan ni nyinhạ onhuụn ootughiạn iyaạr eḍighi maạr dị nạ anhaghanhạn iyaạr phọ. Ikpo igẹ oomo asuọr phọ ayira, ghalhamọ r’asuọr abrokastin phọ ḅilhẹ r’asuọr ibạm anmụny phọ bịn edi ni siphẹ jw.org. Kiạ siphẹ Library, eeḍiạn aMusic.

• Gẹ alhọgh esi ikpo igẹ asuọr phọ. Nạ aḍighi iduọn phọ pọ kekạr kụ elhoghonhaạn nyinhạ ḍighaạgh orue ootughiạn ikpo aḍuọr phọ.—Deut. 17:18.

• Tuughạ omhoọr omiteom. Bạl obobọ moọr ibadị amem.

• Kparaghạ omhoọr dị nạ u/pogh esi. Kparaghạ omhoọr oogholhogh ikpo onhụ aḍuọr phọ dị nạ u/pogh siphẹ aḍinyạ asuọr phọ, kụ aphogh esi dị nạ marue aatughiạn asi.