Asuọr Abrokastịn Phọ Ketughemhị Nyinhạ Eeghe?

Ighẹn asuọr abrokastịn phọ kụ edị nạ alhomaan omhoọr? Eeghe kụ iḍighi? Nạ amiịn ni mọ rekaạph ghan ilọ araraạr dị yira rosoman ghan torobọ aḍio siẹn aghuḍum mọ ayira? Torobọ oye amoọgh ni iyaạr otuughạ, loor esi dị asuọr phọ repạm ghan kirokirọ arumhuoghaạph r’iitia. Toroboiperolbọ, asuọr abrokastịn phọ ilọ onaghanhạm arurụ r’idị koḍeenhaan sividio i/ḍighi raraạr oghelhọm bịn.

Torobọ aḍuọr aBrokastịn phọ ritughemhị ghan iyira raraạr dị kosighẹ oḍighinhom siẹn adọl aghuḍum mọ ayira idiphọ aKristẹn ḅilhẹ r’epẹ erugh phọ. Iniin rekaạph ghan ilọ okọ ghan igoni, amuḅọph, arighirị, akpọ oḅio, ephomhoghiạn, obobọ omheeraam. Inhọn ekaạph ilọ oḅula esi aZihova, ilọ osạr owilhenhaạn, ilọ ophamanạm adọl aruukuan torobọ aḍio, ḅilhẹ rowạ inhọn areten okumu aZihova. Aḍiniin aḍuọr abrokastịn phọ edi ni dị eghaạph ilọ eten dị eeleeny oḍighinhom afon. Ighẹn inhọn araraạr ituughạ kụ edị nạ amhiịn siphẹ asuọr abrokastịn phọ?

IPOGH VIDIO AḌUỌR ABROKASTỊN PHỌ JUST AROUND THE CORNER, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe aḍisẹph dị edi ghisigh kụ edị olom mọ r’anhịr phọ m’okpọ bọ rootughiạn ghan?—Ge 12:3

• Yira k’okparamhị ika omheeraam mọ ayira esi iikpọ phọ aZihova omhunhenhi aruguanhaan ph’odị?

• Eeghe odọ ooḅughonhaan dị kaḅarạm ni ibo kụ kamite moọny amem?

• Oḍuom ologhi Omhạr phọ ruloghonhaạn ghan iyira ika ḍighaạgh okparạm iiḅaghamhị lọ yira osoman nyiidiphọ?—Rom 8:25