SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Sighẹ Olhoghonhaạn Aḍighaạgh Abuḅaramạ Omheeraan Mọ Ayira
AZihova amiteom bumor r’abumaranhi phọ ayira siẹn oomo areelhe aḅirinhi phọ olhoghonhaạn ayira ḍighaạgh. (1Pit 5:9) Bidị kotue ni ulhoghonhaạn iyira ḍighaạgh omhoọgh ekol epẹ erugh phọ etigheri ipaanhaạn kirokirọ. Esi omaạm, otelhedom mọ aPọl amhoọgh ni olhoghonhaạn aḍighaạgh Akuilạ aPrisiliạ, Silas, Timoti, ḅilhẹ r’abunhọn.—Iiḍighi 18:1-5.
Ika kụ idị abuḅaramạ omheeraam mọ ayira kotue olhoghonhaạn nyinhạ ḍighaạgh epẹ erugh phọ? Bidị kotue ni oḅenhị nyinhạ ilọ ophagharanhaạn ikpo-onhụ osophoghom, ilọ osilor gạ oḅilhẹ oḅula, r’otughemhị awe Baibul. Tuutughiạn oye siphẹ ookpomhoghan phọ anyinha dị katue alhoghonhaạn nyinhạ ḍighaạgh kụ alhọm olhoghonhaạn aḍighaạgh odị. Dị iikia i/lo, iyạl phọ anyinha kemooghọm ni suọ, eḅilhẹ ebughẹ ibo phọ anyinha.—Fil 1:25.
IPOGH VIDIO PHỌ MOỌGH AANI IBO OḌIGHI AWE BUMATUẠN—SIGHẸ OLHOGHONHAẠN AḌIGHAẠGH PHỌ AZIHOVA—ABUMOR PHỌ AYIRA, KỤ EPHANYANHAẠN SIPURU PHỌ EDAPHẠN BỌ SIẸN:
ANeeta alhoghonhaạn ika ḍighaạgh Jade oghị aani ituughạ?
Uḍighi ika kụ enhighẹ bọ dị yira kopạm ghan bunhọn abukaaphọm mem dị yira rokị otughemhị oye Baibul?
Oomo ookpomhoghan phọ kụ roḍighi ghan oye onyọ amatuạn
Eeghe iyaạr dị eḅeeraạn Jade kụ iḅeeraạn aani ghan Abigay?
Ighẹn asighalhanyạ oḍighinhom epẹ erugh phọ kụ edị nạ katue atuughạ ḍighaạgh abunhọn abukaaphọm?