Bidị Rolọgh Ghan Ni Iboom Inyaạm Okumu Ongọ Ayira

Abupoghom Eghir r’anmariịr phọ abidị roḍeenhaan ghan ni ephomhoghiạn dị i/ḅarạm owạ imạ ilọ aloor buẹn bidị rokumu bọ kongọ. Idiphọ anạ r’amhị, araraạr edi ni bidị r’aloor rowạ aani ghan ḅilhẹ eeni amem asiloor abidị redugh ghan ni, r’oḅonyonhu ghan ni kozuan, ḅilhẹ r’omhoọgh ghan ni kẹn ooḅaghamhiạn aloor. (Jems 5:17) Ghalhamọ r’iduọn phọ ni, torobọ awiki bidị robilhẹ ghan ni oomo idị reeḅaghamhị bidị kogbon ilọ okparamhị abumor r’abumaranhi ookpomhoghan phọ bidị rokị bọ ophogh. Ekạr ekpẹ ongọ Abupoghom Eghir phọ “eghuan” dị emhanhạm eghuan.—1Tim 5:17.

Mem mọ onyọ amatuạn phọ Pọl agbiighi bọ oghị aRom ongọ aani ookpomhoghan phọ ‘ḍisẹph phọ Enhaạn,’ odị agon ghan kẹn ni okparamhị abumor phọ ḅilhẹ dị abidị kokparamhị nyodị. (Rom 1:11, 12) Nạ maatughiạn ni reten dị nạ kasighẹ akparamhiọm opoghom eghir phọ anyinha r’anhịr phọ odị, eru maạr lọ maphin ni anhịr ḍughụm?

IPOGH VIDIO PHỌ ADỌL AGHUḌUM OPOGHOM EGHIR DỊ ODI EKPISI DỊ K/EGHUGHURONHU, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn areten kụ edị abupoghom eghir r’anmariịr abidị r’oḍeenhaan ghan ephomhoghiạn dị u/waạm imạ ilọ aloor?

  Your answer

• Ika kụ idị nạ mamhooghọm suọ ikuph phọ abidị?

  Your answer

• Ika kụ idị nạ katue akparamhị bidị?

  Your answer