Orophomhi Aḍighalhanyạ Phọ Ayira Epẹ Erugh Phọ—Osighẹ AFon Ongoọm Ogbaanhaạn

IYAẠR PHỌ EMHẠN BỌ NI MAẠR: Osighẹ afon ongoọm ogbaanhaạn eḍighi eniin eten dị emhạn maạr osighẹ okuamhị oghaaphọm iiḅi iinhaghạn phọ. (Iiḍ 20:24)a R’eḍighi ghan idị ridughanhaan ghan iyira oghaaphạn oye dị yira u/tue ukị uteẹny u/kaaphạn loor esi asidọl phọ.

IPẸ KOḌIGHI BỌ:

• 

  Kookolhobian. Saḅạr emhuoghaạph dị ekasiạn. Nạ katue ni kẹn agẹ ipẹ nạ rawạ bọ oghaạph phọ. Renighẹ ghan kẹn ni orọl otumhan idaabilhị dị nạ aḅạm ipẹ nạ magẹ bọ ḅilhẹ r’inhọn araraạr dị nạ kaḍighinhom idiphọ afon obobọ akomputa dị nạ makpegheron JW Library^® obobọ jw.org^®

• 

  Poomhị loor. Kaạph ipẹ nạ rakaạph ghan bọ iyaạr. Yịgh aḅilhẹ amaaghiạn mudị nạ ramiịn ni oye phọ. Kaa/kpeteghaan yogh iboom. Renighẹ ghan ni dị onhọn oye katọl aani. Eḍighi maạr dị opọ nạ amhạgh bọ apuru ḍipuru, kaạph amiteom pidị ophoriphọ oye phọ awạ ophagharanhaạn phọ

• 

  Kaạph eten dị kemiteom eepoogh oḅilhẹ oḅula. Oye phọ kụ aḍeenhaan ḍiḅeeraạn, pọ nạ atue ni abilhenhaạn ḍipuru oḅilhẹ ooḅeghiọn. Nạ atue ni apuruom oghiọm odị ḍinhiin aḍinyạ ayira. Nạ atue ni apuruom ongọ odị vidio ayira obobọ ḍinyạ, dị eego esi adom afon obobọ amail. Mem lọ ekpeanhaạn, ḅenhị ni nyodị ilọ Online Bible Study Lessons phọ ayira obobọ enhọn iyaạr dị edi siphẹ awebsaịt phọ