Jennésis

41 Kanmenm, Isò té ka tjenbé Jakòb an tjè’y pou lapéti bennédiksyon-an papa’y té bay Jakòb. Èk Isò té ka toujou di an tjè’y: “Papa mwen tou pwé lanmò’y. Apwé i mò mwen ka tjwé Jakòb, fwè mwen-an.” 42 Lè yo di Ribèka sa Isò pli gwan gason’y-lan di, la menm i voyé kwiyé Jakòb pli jenn gason’y-lan èk i di’y: “Kouté! Isò fwè’w-la ka fè plan pou pwan wivanj èk tjwé’w. 43 Bon, gason mwen, fè sa mwen ka di’w-la. Lévé èk kouwi alé lakay fwè mwen Lébann ki ka wèsté an Harann. 44 Wèsté la pou an tan jis tan kòlè fwè’w-la bésé, 45 jis tan i pa faché kont ou ankò èk i bliyé sa ou té fè’y-la. Apwé sa mwen kay voyé pwan’w. Poutji pou mwen pèd zòt toulé dé adan yon jou?” 46 Apwé sa, Ribèka kontiné ka di Ayzak: “Sé fi Hèf-la fè mwen hayi lavi mwen. Si Jakòb janmen pwan an madanm hòd sé fi Hèf-la, ében an sé fi plas sala, mwen simyé mò.”