Limowo

2 Tout sé jan Izwayèlayt-la koumansé bougonnen kont Moziz èk Éronn. Èk sé moun-lan palé kont yo ka di: “Simyé nou té mò an péyi Éjip. Ében vonmyé nou té mò an savann sèk-la! 6 Jòchwa, gason Nann-lan, épi Kélèb, gason Jèfanna-an, ki té anpanmi sé nonm-lan ki té alé kon èspiyon an péyi-a, déchiwé had yo asou yo. 7 Èk yo di tout pèp Izwayèl ki té asanblé: “Péyi-a nou té adan kon èspiyon sé yon péyi ki bon an chay. 8 Si Jéhova kontan nou, i kay vwéman mennen nou an péyi-a èk i kay ban nou’y. I sé yon péyi koté siwo myèl èk lèt ka koulé. 9 Mé zòt pa ni pou wivòlté kont Jéhova èk zòt pa ni pou pè zabitan péyi-a paski nou kay détwi yo. Yo pa ni pyèsonn pou pwotéjé yo, èk Jéhova épi nou. Nou pa bizwen pè yo. 10 Mé tout sé moun-lan té ka di ‘annou bay sé moun sala détwa koul wòch’. Épi a lè sala, laglwa Jéhova pawèt asou tant mitin-lan douvan tout pèp Izwayèl. 11 Apwé sa, Jéhova di Moziz: “Pou konmen tan yo kay kontiné déwèspèkté mwen? Épi pou konmen tan ankò, yo kay wifizé mété lafwa an mwen magwé mwen fè tout sé miwak sala anpanmi yo? 24 Mé paski sèvant mwen Kélèb té ni on diféwan atitid épi i kontiné swiv mwen épi tout tjè’y, mwen ka di’w, mwen kay vwéman mennen’y antwé an péyi-a i té alé-a kon on èspiyon. Épi désandan’y kay éwityé tè sala. 34 Silon kantité jou ou té pasé kon èspiyon an péyi-a, kawant jou «40», yon jou pou yon lanné, yon jou pou yon lanné, ou kay péyé pou péché’w pou kawant lanné «40», konsa, ou kay sav sa’y vlé di pou doubout kont mwen.