Limowo

6 Apwé sa, Jéhova palé épi Moziz èk i di’y: 2 “Palé bay jan Izwayèl èk di yo: ‘Si yon nonm ében yon fanm fè on sèman spésyal, pou viv kon yon Nazarayt pou Jéhova, 3 i pa sipozé bwè diven, èk lòt bwè ki ni alkòhòl. I pa sipozé bwè vinèg ki fèt épi diven ében pyès lòt bwè ki fèt épi alkòhòl. I pa sipozé bwè pyès bagay ki fèt épi wézen, èk i pa sipozé manjé wézen, ki sé wézen fwé ében wézen sèk. 4 Diwan tout tan-an i sé yon Nazarayt, i pa sipozé manjé pyès bagay ki fèt épi anyen ki sòti asou pyé wézen-an; pa wézen vèt èk pa menm lapo-a, non plis. 5 “‘Diwan tout tan-an i sé yon Nazarayt, i pa sipozé wazé chivé-a ki asou tèt li. I sipozé kité chivé’y pwofité pou’y wèsté sen jis lè tan-an i dakò pou wèsté apa pou Jéhova fini. 6 I pa sipozé vini pwé kadav an moun ki mò diwan tout tan-an i ka viv apa pou Jéhova. 7 Menm si papa’y ében manman’y ében fwè’y ében sésé’y mò, i pa ni pou sali kò’y, paski i ni sin-lan kon yon Nazarayt pou Bondyé’y asou tèt li. 24 “Sé pou Jéhova benni’w èk pwotéjé’w. 25 Sé pou Jéhova fè klété-a ki ka sòti hòd vijay li kléwé asou’w. Sé pou ou ni favè’y. 26 Sé pou Jéhova lévé tèt li pou gadé’w èk ba’w lapé.”’ 27 Èk yo dwé sèvi non mwen lè yo ka benni pèp Izwayèl, pou mwen benni pèp-la.”