Gad-la LAYBRI ASOU INTANNÈT-LA
Gad-la
LAYBRI ASOU INTANNÈT-LA
Kwéyòl (Patwa)
  • LABIB
  • PIBLIKASYON
  • MITIN
  • lfb lison 26 p. 66-p. 67 par. 1
  • Sé Douz «12» Èspyon-an

No video available for this selection.

Sorry, there was an error loading the video.

  • Sé Douz «12» Èspyon-an
  • Annou Apwann An Ègzanp Moun Ki An Bib-la
  • Enfòmasyon ki pawèy
  • Swiv Jéhova Épi Tout Tjè’w
    Lavi Nou Èk Twavay Ti Liv Mitin Nou—2021
  • Jéhova Chwazi Jòchwa
    Annou Apwann An Ègzanp Moun Ki An Bib-la
Annou Apwann An Ègzanp Moun Ki An Bib-la
lfb lison 26 p. 66-p. 67 par. 1
Israelite men spy out the land of Canaan

LISON 26

Sé Douz «12» Èspyon-an

Jan Izwayèl kité Mòn Saynay èk yo twavèsé dézè Parann jis tan yo wivé an plas yo ka kwiyé Kadèch. Lè yo wivé la, Jéhova di Moziz: ‘Pwan douz «12» nonm, yonn an chak fanmi, èk voyé yo véyé péyi Kénann an sigwé. Sa sé péyi-a mwen kay bay manmay Izwayèl.’ Kon sa Moziz chwazi douz «12» nonm èk i di yo: ‘Alé Kénann, èk gadé si plas-la bon pou fè jaden. Gadé osi pou wè si sé moun-nan ki ka wèsté la fèb ében si yo fò, si yo ka wèsté an tant ében an vil.’ Alò sé èspyon-an alé Kénann. Anpami yo sété Jòchwa èk Kélèb.

The Israelites complain and become discouraged

Apwé kawant «40» jou, sé èspyon-an viwé. Yo viwé épi fig fwans, gwinad, èk wézen. Yo di: ‘Péyi-a sé an bon péyi. Mé sé moun-nan la fò toubonnman èk sé vil-la ni pak ki byen ho.’ Lè sala Kélèb di: ‘Nou sa bat yo. Ann’ alé apwézan!’ Ès ou sav poutji Kélèb té di sa? Ében sé paski li èk Jòchwa té ni konfyans an Jéhova. Mé sé lézòt èspyon-an di: ‘Non! Sé moun-nan an plas sala gwo toubonnman, menm kon yo ho sé menm kon yo gwo! Nou menm kon ti kwitjèt bò yo.’

Lè manmay Izwayèl tann sa, yo vin dékouwajé. Yo koumansé di yonn a lòt: ‘Ann’ chwazi an lòt moun pou djidé nou èk ann’ viwé Éjip. Poutji pou nou alé an plas sala pou yo tjwé nou?’ Mé Jòchwa èk Kélèb di: ‘Pa dézobéyi Jéhova, èk pa pè. Jéhova kay pwotéjé nou.’ Mé jan Izwayèl pa kouté yo. Yo té jis vlé tjwé Jòchwa èk Kélèb!

Ki sa Jéhova té fè? I té di Moziz: ‘Apwé tout sa mwen ja fè bay manmay Izwayèl, yo pa ka obéyi mwen toujou. Ében, yo kay wèsté an savann sèk-la pou kawant «40» lanné, èk sé la yo kay mò. Sé sèlman ich yo, ansanm épi Jòchwa èk Kélèb ki kay alé wèsté an péyi-a mwen pwonmèt yo-a.’

‘Pouki lafwa zòt otan fèb? Pouki zòt pè kon sa?’—Mafyou 8:26 NWT

Sé Kwèsyon-an: Ki sa ki fèt lè sé douz «12» èspyon-an sòti Kénnan? Ki mannyè Jòchwa èk Kélèb moutwé yo té ni konfyans an Jéhova?

Limowo 13:1–14:38; Ditonronnonmi 1:22-33; Sam 78:22; Hibrou 3:17-19

    Saint Lucian Creole Publications (2012-2025)
    Sòti
    Antwé
    • Kwéyòl (Patwa)
    • Share
    • Pwéféwans
    • Copyright © 2025 Watch Tower Bible and Tract Society of Pennsylvania
    • Kondisyon-an pou sèvi wèbsayt sala
    • Wèg pou ènfòmasyon pwivé
    • Privacy Settings
    • JW.ORG
    • Antwé
    Share