Jenn Moun Di Pawanʼw Sa Ki An Tjèʼw

Jenn moun, pouki ou ni pou di pawan’w sa ki an lidé’w? (Pwov. 23:26) Ou ni pou di pawan’w sa ki an lidé’w, paski Jéhova ba yo wèskonsabilité-a pou otjipé èk djidé’w. (Sam 127:3, 4) Èk si’w pa di yo sé bagay-la ki asou lidé’w, yo pa kay sa édé’w byen. Osi, ou pa kay sa apwann hòd èspéyans yo. Mé, ès ou oblijé di pawan’w tout sa ki an lidé’w? Non, dépi ou pa éséyé pou kwennen yo.—Pwov. 3:32.

Koumannyè ou sa palé épi pawan’w? Éséyé pou palé épi yo on lè ki bon pou ou èk pou yo. Si sa pa posib, ou sa ékwi yo on lèt pou di yo sa ki an tjè’w. Kisa ou kay fè si yo vlé palé asou yon sijé ou pa vlé diskité? Chonjé, pawan’w vwéman vlé édé’w. Konsa, gadé pawan’w kon jan’w èk pa kon lèlmi’w. Si’w fè éfò-a pou di pawan’w sa ki an tjè’w, sa kay pòté’w bennéfis atjwèlman èk pou tout tan!—Pwov. 4:10-12.

GADÉ VIDIYO-A LAVI MWEN KON ON JENN MOUN—KI MANNYÈ MWEN SA PALÉ ÉPI PAWAN MWEN? ÈK APWÉ WÉPONN SÉ KÈSTYON SALA:

• 

  Kisa Esther èvèk Patrik apwann konsèné kò yo?

• 

  Kisa ou sa apwann hòd ègzanp Jézi?

• 

  Koumannyè pawan’w ja moutwé yo mélé épi’w?

• 

  Ki pwensip Bib ki sa édé’w palé épi pawan’w?