Fè Plan Pou Sé Simenn-lan Avan Èvèk Apwé Mémoriyal-la

Toulé lanné Témwen Jéhova ka gadé pou lokazyon-an pou vini ansanm pou òbzòvé Mémoriyal-la. Alò diwan sé simenn-lan avan èvèk apwé Mémoriyal-la, nou ka gadé pou òpòtyounité pou bay Jéhova laglwa èvèk wimèsyé’y pou kado wanson-an. (Èfésòs 1:3, 7) Pou ègzanp, nou ka fè tout sa nou pé pou envité moun pou atandé Mémoriyal-la. Konsa, adan sé fwè-a ka wanjé zafè yo pou yo sa wann sèvis kon piyonnè òkzilè diwan mwa Mas èk Avwi. Épi yo ka mété twant (30) ében senkant (50) nèditan an minis-la diwan sé mwa sala. Ès ou té kay kontan fè pli an minis-la diwan sé simenn-lan avan èvèk apwé Mémoriyal-la? Kisa ki sa édé’w pou fè sa?

Souvan lè nou fè plan andavans sa ka édé nou pou fè pli. (Pwovèb 21:5) Sézon Mémoriyal-la ka apwoché vit, alò sé apwézan nou ni pou koumansé fè plan. Konsa katjilé asou mannyè ou sa fè pli an minis ou an sé simenn-lan avan èvèk apwé Mémoriyal-la. Osi katjilé asou sa ou ni pou fè pou akonpli sé plan’w-la, èk mandé Jéhova pou benni éfò’w.​—1 Jan 5:14, 15.

Ès ou sa katjilé asou déotwa bagay ou sa fè pou’w fè pli an minis ou diwan sé simenn-lan avan èk apwé Mémoriyal-la?